• PLAN DI AKSHON
    MFK 2016
  • flag-curacao flag-holanda
Home MFK MFK ta anunsiá kontinuashon di su aktividat pa generá fondo (Fundraising)

Movementu Futuro Kòrsou (MFK) ta anunsiá kontinuashon
di su aktividat pa generá fondo (Fundraising)

Apresiabel Pueblo di Kòrsou,

Ddespues di tur e konmoshon ku a ser krea relashoná ku aktividatnan ku organisashonnan polítiko ta organisá pa generá fondo, Movementu Futuro Kòrsou a tuma su tempu pa  nos a debatí i tambe tuma konseho hurídiko. Tambe e sentensia di hues den e kaso ku un otro organisashon polítiko a entamá a sirbi komo base pa nos por tuma un posishon pa ku MFK su aktividatnan, ku durante di último 6 añanan MFK a bin ta organisá.

Direktiva di MFK a disidí ku e fundraising ku tabata planeá pa tuma lugá dia 2 di mei último i ku despues a aplasá pa dia 1 di yüni, awor lo tuma lugá dia 5 di sèptèmber 2019. Esaki lo tuma lugá den e forma kustumbrá, kaminda bo persona ta hasi bo donashon di 5 florin i MFK ta regalá bo un voucher ku e posibilidat pa bo por gana un outo día 5 di sèptèmber riba sorteo di brièchi di Kòrsou.

Pa loke ta trata e fundraising di Fundashon Gerrit Schotte, direktiva di e organisashon aki lo anunsiá na su debido tempu den ki forma lo kontinuá ku e fundraising.

Nos kier gradisí tur ku a duna nan sosten i kontribushon na nos organisashon. Pa kualkier pregunta i/òf informashon por pasa libremente na nos sede òf tuma kontakto ku nos via di telefòn na 724 7766.

Di antemano danki pa e komprenshon.

Kòrsou, 26 di mei 2019

Direktiva di MFK i FGS

Webmaster

Leave a Reply