• PLAN DI AKSHON
    MFK 2016
  • flag-curacao flag-holanda
Home Juniël Carolina E di 5 miembro di MFK pa Parlamento a huramentá

E di 5 miembro di MFK pa Parlamento a huramentá
Juniël Reinaldo Carolina ta komplementá e Frakshon di MFK

Awe mainta na palasio di Gobernadó Juniël Carolina a huramentá komo miembro di Parlamento pa MFK. Señor Carolina ta remplasá di e forma aki lider polítiko di MFK señor Gerrit Schotte ku awe di un forma inhustu ta paga un kastigu den SDKK.

Gilmar Pisas, Jacinta Constancia i Sithree van Heydoorn a kompaña Juniël durante di e akto ofisial aki kaminda Juniël a huramentá komo miembro di Parlamento.

Juniël Carolina no ta un deskonosí den komunidat di Kòrsou i den polítika. Den pasado Juniël tabata miembro di Konseho Insular i último añanan, Juniël a sirbi komo un empleado públiko na diferente departamento di gobiernu.

Juniël ta hopi aktivo den organisashonnan di bario i e ta duna un kontribushon sumamente positivo na desaroyo di hóbennan den nos komunidat. Nos no mester lubidá di menshoná e trabounan balioso ku Juniël a bin ta ehersé pa loke ta trata limpiesa di diferente area aki na Kòrsou.

Frakshon di MFK kier yama un bon bini na Juniël Reinaldo Carolina i ta deseá Juniël forsa i sabiduria pa karga e responsabilidat di Parlamentario, ku Todopoderoso iluminá bo karera den Parlamento di Kòrsou. Na Juniël su kasa i yunan, tambe forsa i danki pa e sosten duna tantu na Juniël komo su organisashon polítiko MFK.

Pueblo di Kòrsou por konta ku frakshon di MFK lo sigui vigilá bo(so) interes i lo kontinuá alertando bosnan riba kualke desishon ku lo por tin konsekuensia pa bosnan i nos di MFK lo sigui laga e bos di Pueblo di Kòrsou resoná den Staten.

Atentamente,
Gilmar “Pik” Pisas
Lider di Frakshon di MFK

Webmaster

Leave a Reply