• PLAN DI AKSHON
    MFK 2016
  • flag-curacao flag-holanda
Home Gilbert Doran Pasaheronan no por drenta den kontakto ku Insel Air pa risibí nan...

         Pasaheronan no por drenta den kontakto ku Insel Air pa risibí nan sèn bek di ticket nan
      ku a wòrdu paga i ku nan no por hasi uso di dje mas debí ku Insel Air a kanselá su buelonan

Bastante ta e pasaheronan ku tin un ticket kumpra pa bai Aruba òf Bonaire ku Insel Air i pa nan sorpresa ora nan akudí na e ofisina di Insel Air pa reklamá nan sèn bek, esaki ta será.

Ta un falta di rèspèt i muestra di kon iresponsabel esnan na kabes di Insel Air ta.

Esaki ta un akto di estafa di parti di Insel Air, pa risibí sèn di un siudadano i keda sin duna e servisio di kual Insel Air a kobra p’e.

Insel Air a saka un komunikado, informando ku te ku otro aviso ta kanselá tur vuelo pa Aruba i Bonaire, pero gerensia di Insel Air no tabata kapas pa informá ku ofisinanan lo ta sera i tampoko no a informá kon esun ku a paga su ticket lo haña su sèn bek.

E tipo di aktonan aki ta hasi ku te na ora haña un partner stratégiko, ya e konfiansa di pueblo di Kòrsou den Insel Air no tei mas, kua kliente desapuntá den un trato asina aki, lo por konfia hamas i nunka den Insel Air.

Tambe nos a ser informá pa esnan perhudiká, ku Divi Divi Air no kier akseptá e ticket nan bendé dor di Insel Air, debí ku Insel Air debe nan biahenan ku Divi Divi Air a hasi den pasado i te ku awe nan no a risibí pago pa esaki nan.

Nos ta sperá ku pronto gobiernu di Kòrsou komo akshonista mayoritario di Insel Air lo sali i informá esnan perhudiká ki dia i unda nan por bai tuma nan sèn bek.

Minister Steven Martina DUNA KARA, ya mas ku 33 mion di pueblo ta praktikamente pèrdí i awor e siudadano tin ku pèrdè e sèn ku el a paga su ticket tambe ku Insel Air?

Foei Minister Martina.

Kòrsou, 13 febrüari 2019

Gilbert Doran
Miembro di Parlamento di Kòrsou

Webmaster

Leave a Reply