• PLAN DI AKSHON
    MFK 2016
  • flag-curacao flag-holanda
Home MFK Entre Shelu i Tera, nada no ta keda skondí pa pueblo di...

Entre Shelu i Tera, nada no ta keda skondí, di e forma aki Promé Minister Rhuggenaath i Minister Steven Martina di ekonomia ta tapa nan inkapasidat pa Goberná Kòrsou

Ta di lamentá ku un grupo di intelektual ku ta goberná Kòrsou tin e pais aki den tantu problema ekonómiko i finansiero i awor ku nan no ta kapas pa solushoná e problemanan aki kier entrega outonomia di KORSOU den man di Hulanda.

Tuma bon nota di e dokumento athunto ku ta relatá kon Koalishon di PAR, MAN i PIN ta hasi Kòrsou un BES “Eiland” ku e desishon tuma den Fort Amsterdam 17.

Awor ku nan a konstatá kon malu e maneho finansiero, ekonómiko di e koalishon forma pa PAR, MAN i PIN ta i pa Hulanda no duna nan un “Aanwijzing” no opstante ku nan a sòru pa e krísis ekonómiko ku Kòrsou ta pasando aden i ku tin komo konsekuensia ku den 2018 nos tin komo resultado un kontrakshon ekonómiko di 2%.

Debe Nashonal a pasa 50% di nos “Bruto Binnenlands Produkt”, ta yegando 3000 mion florin di debe nashonal. No tin sèn pa paga debe di 100 mion florin ku ta kaduká na aña 2020.

Gobiernu ta hunga den sèn di penshun di 4071 empleado públiko pa asina tapa buraku.

Tin un défisit di mas di 150 mion florin di añanan 2017 i 2018, ku komo konsekuensia ku ta bai introdusí mas medida kontra pueblo pa tapa e défisit nan aki i awor Rhuggenaath i su gabinete a entregá na Rutte pa CFT tuma Ministerio di Finansa pa na maneh’é por kompleto i nan por hasi i deshasí den gobernashon di Korsou.

Un kontrol total for di Den Haag debi ku Rhuggenaath, Martina, Suzy Camelia Römer, Gijsbertha i otro ministernan di e koalishon no por goberná Kòrsou, tur esaki pa nan evitá un “brevet van onvermogen” den Rijksministerraad di parti Rutte.

Eugenne Rhuggenaath ta proponé den e dokumento aki pa e buta su mes disponibel pa bai lobby via di e islanan den Caribe pa krea sosten pa Hulanda su interesnan i purba haña 33 voto di sosten den futuro pa Hulanda via di SIDS Countries/Islands.

E no por resolvé problemanan na Kòrsou wak nos desempleo a krese i yega te 13,000 hende sin trabou. Nos situashon finansiero ekonómiko (Negoshi grandi, mediano i chikí ta serando), wak nos situashon sosial (pobresa ta reina), kriminalidat ta mas haltu ku nunka, niun hende ta sintí nan safe den nan propio kas.

Anto pa terminá den su memo spesialmente traha pa e kombersashon ku Promé Minister Rutte e ta pidié pa e sòru di dun’e kosnan pa por balansa su koalishon na Kòrsou. Na bon papiamentu sòru pa mi haña kos pa mi por tene mi koalishon trankil.

Prohibí pa lubidá, kon Gabinete Paars II of Gabinete Koks 2 a primintí Gobiernu di PAR den añanan 1998-2002 despues di medidanan di IMF ku lo a tuma lugá PAS DE DEUX , ku Hulanda lo a inyektá sèn den nos ekonomia. Awe den 2019 historia ta ripití Hulanda ta primintí “Bon Bini veel Business uit Nederland” anto Gobiernu di PAR MAN, huntu ku e integrantenan di PNP den nan nòmber nobo PIN, ta entregá mas outonomia debí ku nan no sa kon manehá Kòrsou i nan a “Crash” nos dushi pais.

No bai buska ta di unda e dokumento a yega den nos brivenbùs, pero splika pueblo bosnan intenshon maligno.

Movementu Futuro Kòrsou
Kòrsou, 24 di yanüari 2019

Webmaster
Similar articles

Leave a Reply