• PLAN DI AKSHON
    MFK 2016
  • flag-curacao flag-holanda
Home Gerrit Schotte MFK ta siguí haña rason, falta di respet i arogansha ta dominá...

3 luna pasa den Reunion Públiko nos a indiká pa tene kuenta ku aktitut arogante i e forma na mal òrdu ku Inspektor General di inspekshon di Salú ta aktua kontra institutonan lokal i ku ekspertonan lokal, no opstante di kehonan entregá den su kontra pa komportashon denigrante Minister a bisa nos ku e ta bai harma un komishon pa investigá

Awe 3 luna despues nos ta haña rason (primera tanda 16 ougùstùs 2018 https://www.facebook.com/schottegerrit/videos/295438651010151/), Minister den e siman aki a buta reunionnan interno urgente pa a gana ‘draagvlak’ bou di empleadonan di “inspectie” paso awor su mes persona no por soportá e aktitut di e Inspektor General ku minister mes a trese Kòrsou bek despues ku ya un biaha den pasado a mand’e Hulanda bek i gradisié pa su tempu i trabou.

Kual sea e motibu ku awor numa ta hala atenshon di e persona ku un medida temporal, sabi ku hopi hende a sufri na su man kaba, sea ku e tabata korekto òf fout, e manera di atendé ku institutonan establesé òf ku ekspertonan lokal e daño ta hasi kaba. E manera pa atendé kosnan no por ta nunka ku arogansia di superioridat. Nos ta lamentá ku e Minister awor numa ta tuma konsenshi i tuma akshon pa ‘adreseer’ e persona, ku paso awor a falta e Minister rèspèt “Ik maak je af vanuit mijn positie” òf ku e Inspektor General ta ninga un petishon di hasi i òf kumpli di e Minister awor si ke aktua. El a hasi meskos ku otronan, rankando telefòn den establesimentunan ku no ta di Gobièrnu fe man di personal i nos a keda ketu pa ku e reklamonan aki.

Faltamentu di rèspèt den nos pais for di funshonnan ta algu ku mi ta dil kuné tur dia, e persona ku falta bu rèspèt ku ta insultá bo mama, bo yunan, bo kasa, bo generashonnan di bo famia ku no a nanse ainda, ke insultá bo inteligensia pero ora bo bisé 1 di su bèrdatnan e ke bati na tur bèl di misa pa kondena bo aktitut.

Mi ta lamentá ku ta ora e falta di rèspèt toka na nos porta so nos ke rekonosé esaki i aktua, miéntras ya tantu otro a sufri na man di esun ku tin e komportashon robes, mas aun ora ta bo mes a duna e hende e outoridat den un funshon importante di kontrol.

P’esei den bida ken ku haña poder di regalo nos por tin garantia ku e lo maneh’é robes, den bida bo tin ku kana trankil i gana bo dia segun e sapatu ta krese su taya tur dia, ta poko hende den bida sa kon manehá poder i keda hende humilde for di su posishon.

Kòrsou su frakaso lo ta i lo keda semper ora nos lubidá di invertí den balornan i prinsipionan pa e generashon nan ku ta bin despues di nos, p’esei awe i tur dia mi ta gradisí Dios ku e ta duna mi e kapasidat pa por pidi e su sabiduria pa mi dil ku mi dia i mi trabou ku nos tin ku ehersé pa nos Pueblo.

 

Gerrit Fransisco Schotte

Lider di Frakshon di MFK / Miembro di Parlamento

Kòrsou, 18 di novèmber 2018,

 

Webmaster

Leave a Reply