• PLAN DI AKSHON
    MFK 2016
  • flag-curacao flag-holanda
Home Gerrit Schotte MFK a entregá awe na Parlamento e vershon final pa adaptá Lei...

Esaki despues di a hasi adaptashonnan konforme konsehonan di “Raad van Advies” i konsulta ekstenso ku ARC

Frakshon di MFK despues di a tuma nota di e “Arest” di korte di kasashon na Hulanda, kaminda e órgano aki a konkluí ku Kontrolaria General di Kòrsou, konforme e lei ku ta aplikabel na e momento aki nan no por drenta UTS i hasi e kontrolnan ku Parlamento a indiká pa medio di moshon na Kontrolaria General di Kòrsou.

Frakshon di MFK for di e promé veredikto di Korte Komun aki na Kòrsou, a kuminsá traha riba un proyekto di lei pa por duna Kontrolaria General di Kòrsou tur espasio i responsabilidat pa por hasi kontrol no solamente den Gobièrnu, pero tambe den kualke organisashon, fundashon òf kompanianan priva di Gobiernu ku tin benefisio finansiero òf ku Gobièrnu ta responsabel pa nan na final finansieramente.

Ku otro palabra kualkier instansia ku ta risibí di un forma òf otro finansiamentu/supsidio di Gobiernu mester abase di e lei nobo aki, permití pa Kontrolaria General di Kòrsou por kontrolá esakinan, e mayoria den Parlamento lo por hasi petishon si ta deseá esaki. Meskos ta konta pa kompanianan anónimo di gobiernu i fundashonnan di Gobiernu.

Dia 19 di febrüari di e aña aki, Frakshon di MFK a entrega e promé vershon di e proyekto di lei aki na Parlamento, esaki na su turno a bai Raad van Advies pa e konsehonan nesesario. E konseho aki a bin bek Parlamento dia 22 mei 2018. Frakshon di MFK a analisá e konseho aki i adaptá e lei konforme e konsehonan di Raad van Advies.

Despues di a hasi e adaptashonnan nesesario dia 21 di yüni 2018, frakshon di MFK pa medio di un karta a pidi bestür di Kontrolaria General di Kòrsou, pa nan tambe wak e lei i duna frakshon di MFK nan opinion riba esaki. Debí ku nos no a tende nada di Kontrolaria General di Kòrsou, riba 3 di yüli nos a manda un karta pa Kontrolaria General di Kòrsou i pidi nan un reunion pa por diskutí e proyekto di lei ku nan. E petishon aki a wòrdu honra riba 13 di ougùstùs 2018. Durante di e reunion ariba menshoná a palabra ku Kontrolaria General di Kòrsou ku dia 3 di sèptèmber nan lo duna nan reakshon, despues pa medio di un e-mail Kontrolaria General di Kòrsou a informá ku dia 27 di sèptèmber nan lo manda nan reakshon. Mirando ku Kontrolaria General di Kòrsou no a kumplí ku e fecha di 27 di sèptèmber, frakshon di MFK a manda un karta pa Kontrolaria General di Kòrsou dia 5 òktober 2018, informadornan ku nos lo no warda mas riba nan reakshon i ku e lei adaptá lo wòrdu entrega na Parlamento.

Karta na Kontrolaria General 23 di Òktober 2018: https://www.scribd.com/document/391443473/Brief-23Okt2018-Referte-initiatiefontwerp-tot-wijziging-van-de-Landsverordening-Algemene-Rekenkamer-Curacao

Awe 23 di òktober 2018 e adaptashon a wòrdu entrega na Parlamento i nos ta spera ku Presidente di Parlamento lo pone e lei aki pronto na tratamentu den un reunion di komishon sentral, debí ku manera ya nos a menshoná despues di e veredikto di korte di kasashon na Hulanda, Kontrolaria General di Kòrsou por hasi kontrol solamente den Gobièrnu.

Petishonnan di Parlamento, pa entre otro hasi kontrol den Fundashon Barber ku a usa 965,000 mil florin pa algu ku otro sin a instalá e yerba riba e velt di bala aya na Bándabou i kontrol riba konstrukshon di Hospital Nobo ku ta kostando 200 mion florin di mas i otro entidatnan ku no ta di gobièrnu por wòrdu opstakulisá asina strobando Kontrolaria General di Kòrsou di hasi lokual Staten ta pidi. Ta p’esei ta importante ku e inisiativa di lei aki wòrdu trata ku urgensia.

Gerrit Schotte

Lider di Frakshon di MFK

Kòrsou, 23 di òktober 2018,

No. 4 – NOTA VAN WIJZIGINGEN NAAR AANLEIDING VAN HET ADVIES VAN DE RAAD VAN ADVIES by MFK on Scribd

No. 5 – TOELICHTING OP DE NOTA VAN WIJZIGINGEN NAAR AANLEIDING VAN HET ADVIES VAN DE RAAD VAN ADVIES by MFK on Scribd

Webmaster

Leave a Reply