• PLAN DI AKSHON
    MFK 2016
  • flag-curacao flag-holanda
Home Gerrit Schotte Hungamentu di tapa kara den Parlamento a kaba, Lider di MFK Gerrit...

Presidente di Parlamento no a tuma ningun akshon ainda pa kuminsá ku e proseso di un Enkuesta Parlamentario riba konstrukshon di Hospital Nobo, pa pueblo por sa ken ta esnan ku a kometé fayonan garafal, ku awe pueblo di Kòrsou tin ku karga gastunan finansiero astronómiko.

Sr. Presidente Millerson (PAR), Sra. Ana-Maria Pauletta (PAR), Sra. Elsa Rozendal (MAN), Sr. Rennox Calmes (PIN)

Na nòmber di Frakshon di MFK, nos ta aserká bo ku e siguiente inkietut;

Dia 6 di òktober 2018, nos frakshon a firma un petishon konforme artíkulo 110 di “Reglement van Orde” (RvO) di Parlamento i artíkulo 59 di Areglo di Estado, hasiendo un petishon manera lei ta preskribí pa pidi un Enkuesta Parlamentario riba konstrukshon di Hospital Nobo (HNO).

Nos ta dos siman despues di e petishon i no opstante ku esaki ta un di e problemanan finansiero mas grandi di Kòrsou, ku ta i a kousa debenan grandi pa Gobiernu. I ku Gobiernu mester bai bolbe fia sèn na un balor di mas di 200 mion florin, pa por kaba ku konstrukshon di HNO, kual lo mester tabata kla kaba ku e sumanan ku a wòrdu gasta. Nos ta tuma nota ku ningun moveshon konkreto no a tuma lugá pa e petishon di e Enkuesta Parlamentario wòrdu trata dor di Parlamento.

Pa medio di e karta aki nos ta hasi un apelashon na Presidente di Parlamento pa pone e petishon aki na tratamentu e siman entrante. Pa asina no keda ningun duda ku e 21 miembronan di Parlamento ta interesá pa start un investigashon profundo pa pueblo di Kòrsou haña sa kon i kiko realmente a tuma lugá ku awor pueblo di Kòrsou ta haña su mes presentá, ku e sumanan astronómiko aki pa por a konstruí i terminá HNO i pa finalmente haña esaki den operashon.

Karta Presidente Di Staten 21 Okt 2018 – Enkuesta Parlamentario by MFK on Scribd

Karta Frakshon Di PAR Den Staten 21 Okt 2018 – Enkuesta Parlamentario by MFK on Scribd

Webmaster

Leave a Reply