• PLAN DI AKSHON
    MFK 2016
  • flag-curacao flag-holanda
Home Gerrit Schotte Gerrit Schotte – MFK: Gabinete Rhuggenaath un gobiernu ku kara sin wesu

Ayera ta anunsiá pakete di medidanan adishonal kontra pueblo i awe kier eliminá “overdracht belasting” pa kompanianan doño di barkunan

17 di òktober último gobiernu ta anunsiá pakete di medida kontra pueblo pa tapa burakunan den presupuesto krea dor di desishonnan robes ku nan mes a tuma. Komo sorpresa den reunion di komishon sentral di 18 di òktober minister di hustisia na nòmber di Gobièrnu ta presentá un proyekto di lei pa trata eliminashon di “Overdracht Belasting” pa asina kompanianan grandi doñonan di barku no tin ku paga e impuesto aki mas den futuro.

Aña pasa (2017), Minister Kenneth Gijsbertha na nòmber di gabinete Rhuggenaath a introdusí 15 medida (athunto medidanan anunsia aña pasa), kontra di pueblo di Kòrsou pa tapa burakunan den presupuesto di Kòrsou, manera entre otro a stòp/kambia e forma di transporte eskolar pa spar sèn, loke a resultá den un situashon ku a perhudiká nos studiantenan i mayornan. Kòrtamentu den enseñansa grátis, a baha supsidio di diferente instansha ku ta hasi trabou i karga ku responsabilidatnan ku gobiernu tin ku karga kuné. Gobiernu a introdusí un “Vacature stop”. A introdusí na tur ministerio e medida pa no kuminsá i/òf duna ningun trabou i/òf proyekto nobo (Verplichtenstop). A kita outonan di servisio for di diferente ámtenar, loke a resultá ku awe ámtenarnan no tin outo pa hasi kontrol rutinario pa asina por emiti permitnan pa negoshi i hopi otro tipo di kontrol. A para trahamentu di overtaim tur esakinan pa baha gastunan di gobiernu.

Dia 17 di òktober 2018, ta bolbe anunsiá un pakete di medida nobo pa un biaha mas gobièrnu por tapa burakunan den presupuesto krea dor di mal desishonnan di Gabinete Rhuggenaath, di kual ta pueblo i komersiantenan ta paga e preis kada bes. Pueblo no a manda Gobiernu fia sinku (5) famia ku ta doño di un kompania priva 33 mion pa reskatá nan invershon den e kompania ku plaka di pueblo i pa al final tòg 400 yu di tera pèrdè trabou. A manehá nos Kòrsou di tal forma ku tur negoshi ta den problema finansiero ekonómiko ku awe nos a yega 13,000 hende sin trabou, i kada dia 15 yu di tera, loke ta 450 hende pa luna ta kita nan nòmber na registro sivil pa buska un mihó futuro na un otro pais

Un di e medidanan nobo ya ta konosí ku ta “Ontslagwet” – lei di retiro. Esaki lo bai trese kuné ku por retirá bo for di trabou masha fásil. Dimes lo tin medidanan pa produsíèn den kaha di Gobièrni i òf pa kita servisionan ku komunidat ta kustumbra di haña komo nan ta responsabilidatnan di Gobièrnu pa ku pueblo ku lo wòrdu eliminá. Tur esaki den e próksimo siman/lunanan lo wòrdu anunsia den lei pa adaptá presupuesto 2018;

Apénas 1 dia despues di a anunsiá e pakete di medidanan kontra pueblo pa komplasé CFT;

Riba 18 di òktober 2018, e mesun Gobiernu aki ta presenta un lei pa elimina un belasting pa kompanianan grandi doño di barkunan grandi registra na Kòrsou haña un alivio pa dor di eliminá “Overdrachtbelasting”, ku lo tin konsekuensia pa entrada pa kaha di Gobiernu.

 

Gerrit F. Schotte

Lider di Frakshon di MFK

Kòrsou, 18 di òktober 2018,

 

 

Webmaster

Leave a Reply