• PLAN DI AKSHON
    MFK 2016
  • flag-curacao flag-holanda
Home Amerigó Thodé MFK – Thodé: Minister di Finansa ta entrega análisis di rísiko finansiero...

Lamentablemente Frakshon di MFK a konstatá riba wèpsait di (CFT) ku dia 25 di mei 2018 Minister di Finansa, Kenneth Gijsbertha na nòmber di Gobièrnu di Kòrsou a entrega e reportahe di un Análisis di Riesgonan Finansiero (Risicoanalyse) na CFT.

Manera ya ta un kustumber representashon di pueblo mes den Parlamento no a risibí kopia di e dokumentu ariba menshoná, pero si nos por a mira i baha for di e paginá di CFT e reakshon di nan riba e Análisis di Riesgonan Finansiero. Kual ta indiká ku Kòrsou tin mas di 458 mion florin na rísiko i ademas tin mas faktornan di rísiko ku gabinete Rhuggenaath-Gijsbertha no a reportá pero ku si ta eksistí.

Ta lanta e pregunta kua ta e motibu(nan) ku miembronan di Parlamento ku ta representantenan di pueblo, no por haña e informashon aki di Gobièrnu miéntras ku un instansia tersera si por dispone di esaki.

Pa e motibunan ariba menshoná Frakshon di MFK pa medio di nos lider Gerrit Schotte a manda un karta (https://www.scribd.com/document/386567697/Karta-19-ougustus-2018-Analisis-di-Risiko-Finansiero-ku-a-wordu-entrega-na-Commissie-Financieel-Toezicht-CFT-Parlamento-ta-eksigi-pa-hana-un-kopi) Minister Gijsbertha enkargá ku finansa pa manda kopia di e Análisis di Riesgonan Finansiero pa Parlamento pa di e forma aki Parlamento tambe por tuma nota di e reportahe aki i analisá ku lokual ku CFT a buta den su karta di 8 yüni 2018 ta kuadra ku bèrdat i adishonalmente manda tambe e análisis kompleto ku mester wòrdu aprobá den konseho di Minister.

Ku gabinete Rhuggenaath-Gijsbertha tin un défisit finansiero di mas di 458 mion florin (mira tabèl athunto) i tambe ku ta skondiendo défisitnan di rísiko di;

  • Refineria,
  • FKP añanan 2009 pa 2018,
  • C-Post
  • Capriles Kliniek
  • Debenan di InselAir na Fondo di Penshun na SVB i na Landsontvanger

E rapòrt aki ta krea un preokupashon sumamente grandi serka nos di MFK i ta ilustrá un biaha mas ku na lugá ku e défisit riba nos presupuesto baha esaki a sigui subi. No mas ku e fin di siman aki nos por a tuma nota ku e proyekshon di défisit pa Hospital Nobo a bolbe oumentá i ku awor nos ta papia di un suma di 200 mion florin adishonalmente ku tin ku bai fia subiendo e debe nashonal mas i mas pa motibu di un retraso di 5 aña di a entregá e yabi di Hospital nobo.

Frakshon di MFK ta spera di por risibí e Análisis di Riesgonan Finansiero pa analisá esaki profundamente i manera semper informá pueblo di Kòrsou komo debe ser.

Risico Analyse CFT 8 juni 2018
# Omschrijving Jaar Bedrag X Miljoen
1 INSEL AIR 35
2 DUURTETOESLAG 1 85
3 DUURTETOESLAG 2 10
4 SEHOS 120
5 HNO 78
6 FKP 2001 t/m 2009 13
7 DIVIDENDEN OVERHEIDS N.V. 2016 80
8 DIVIDENDEN OVERHEIDS N.V. 2017 37
INKOMPLETE INFORMATIE KABINET RHUGGENAATH-GIJSBERTHA (PAR-MAN-PIN)
1 RAFFINADERIJ 0
2 FKP 2009 t/m 2018 0
3 C-POST 0
4 Insel AIR Schuld APC 0
5 Insel Air Schuld SVB 0
6 Insel Air Schuld Belastingdienst 0
7 Duurtetoeslag Rechterlijke Uitspraak Selikor 0
8 HNO Aanvullende financiering 0
9 Carpiles Kliniek 0
Totaal 458

Atentamente,

Amerigó C.M. Thodé

Eks-Miembro di Parlamento

M (+5999) 526-0616

Karta 19 ougùstùs 2018 – Análisis di Rísiko Finansiero ku a wòrdu entregá na Commissie Financieel Toezicht… by MFK on Scribd

Webmaster

Leave a Reply