• PLAN DI AKSHON
    MFK 2016
  • flag-curacao flag-holanda
Home MFK MFK: STOP DI GAÑA – SRA. ANA-MARIA PAULETTA (PAR)

MFK ta lamentá aktuashon di lider di Frakshon di PAR

ta siguí fomentá ‘fake news’ riba medionan sosial ku ya a bira kustumber pa partido PAR

Miéntras tantu ku tin asina tantu kos ta bayendo robes awe den Gobernashon di PAR, lider di Frakshon di PAR ta dediká huntu ku un otro Parlamentario di su frakshon konstantemente na fomentá notisianan falsu den direkshon di MFK.

Den e último 2 siman nan un Minister di PAR a opta pa tira falta di 985 mil florin ku a disparsé ora nan komo Gobièrnu Antiano ku signatura di PAR a manda sèn di Pueblo pa un organisashon kaminda un prominente di nan mes partido a manehá e fondonan robes i esaki nunka a wòrdu usa pa instalá e yerba artifisial riba e vèlt di Barber aya na Banda Abou.

Pa desviá for di e echo di e sèn aki ku a disparsé dor di e tesorero di PAR den sentro Barber, awor sra. Ana-Maria Pauletta lider di Frakshon di PAR mes a desesperá i kuminsá tira santu den wowo di pueblo gañando riba nos lider Gerrit Schotte. Sra. Ana-Maria Pauletta a bai gaña riba su Facebook (https://www.facebook.com/profile.php?id=835619529) awor anochi, un lider di un Frakshon ku ta guia mayoria den Gobernashon di Kòrsou aworey a publiká ku Schotte a bai morto di defuntu presidente Chavez dor di laga hasi manera e tabata Promé Minister di Kòrsou usando pasport Diplomátiko. Loga sra. Ana-Maria Pauletta no ta ni na altura ku den kaso babel a duna Gerrit Schotte ‘vrijspraak’ riba e historia ‘fake’ ku OM i PAR i partido PAIS a fomentá na aña 2013 bin ariba.

Repudiabel e komportashon amatùr di Lider di Frakshon di PAR den Parlamento di Kòrsou ku ta esnan ku awe ta gobernando Kòrsou.

 

 

 

 

 

 

Kòrsou, 6 di Mart 2018

MOVEMENTU FUTURO KORSOU

Webmaster

Leave a Reply