• PLAN DI AKSHON
    MFK 2016
  • flag-curacao flag-holanda
Home Charles Cooper Charles Cooper-MFK: SOAB MES TA DEKLARÁ KU NAN RAPORT NO TA DI...

Den nos famoso brivenbùs, komo representante di pueblo nos a haña e rapòrt ku SOAB a traha riba e nulmeting di MDPT fechá dia 5 desèmber 2017.

SOAB Rapport Nulmeting MDPT – 5 Dec 2017 by MFK on Scribd

E rapòrt mester trese entre otro klaridat kon sènnan di RdK a wòrdu gasta dor di MDPT for di fecha ku a instalá e tim aki. E rapòrt aki a ser trahá riba enkargo di promé minister Rhuggenaath. Klaramente por mira ku e rapòrt aki ta unu tendensioso ku ta purba desakreditá e miembronan di MDPT ku tabata funshoná bou di e èks-presidente di MDPT.

Na paginá 8-10 di e rapòrt aki, por lesa tokante di e kuadro, responsabilidat finansiero, guia i responsabilidatnan di MDPT.

E rapòrt ta indiká na paginá 9 ku SOAB no por haña ni un dokumentashon kaminda por a haña guia (aansturing) di Konseho di Minister durante di 1 yanüari 2014 pa 28 yüni 2017.

Tambe for di e karta di Minister presidènt di 31 di mart 2014 a sali na kla ku mas bien a duna di konosé na RDK ku MDPT mester hasi su trabou sin ningun traba, sin niun impedimentu, di forma independiente i den tur sekresia.

Pero lokual ku ta mas remarkabel den e rapòrt aki ta, ku e rapòrt mes ta desbaratá su mes. SOAB ta deskualifiká su mes. Den e rapòrt na e parti final riba paginá 41 kapítulo 5 por tuma nota di esaki.

Nos ta sita; 

“ Wij gaan ervan uit u hiermede voldoende te hebben geinformeerd. Zoals reeds voormeld is de uitvoering van onze analyses afhankelijk van de beschikbaar gestelde informatie en documentatie alsook van de verkregen mondelinge toelichtingen in dit kader. In verband hiermede zijn de bevindingen bij onze analyses niet volledig. Ook zijn onze analyses niet uitgevoerd in het kader van een assurance-opdracht. Derhalve wordt geen zekerheid verstrekt omtrend de getrouwheid van de in deze rapportage opgenomen (financiele) informatie.”

Si nos tradusí esaki na papiamentu, básikamente SOAB ta bisa lo siguiente;

Nos ta sali for di e punto ku nos a informá bo sufisiente. Manera nos a indiká anteriormente ku nos análisis ta dependé di e informashonnan i dokumentashon nan ku a ser poné na nos disposishon, tambe e informashon

verbal ku nos a risibí den e kuadro aki. En relashon ku esaki i lokual ku nos a haña nos análisis no ta kompletu. Tambe nos análisis no a ser hasí den kuadro di un assurance-opdracht. Pues nos no por duna ningun siguransa relashoná ku e verasidat di e informashon finansiero den e rapòrt aki.

Ta bon pa indiká e definishon di kiko ta un assurance-opdracht:

Assurance-opdracht

Het doel van een assurance-opdracht is dat een accountant een object van onderzoek, waarvoor een andere partij verantwoordelijk is, toetst of evalualeert aan de hand van van toepassing zijnde criteria en omtrent dat object van onderzoek een conclusie formuleert die de beoogde gebruiker een bepaalde mate van zekerheid verschaft.

Pa terminá nos por konkluí den e kaso aki ku e rapòrt aki kual a ser usá dor di gabinete Rhuggenaath pa tuma e desishon di konseho di Minister di dia 30 di desèmber 2017, un desishonnan pa ku futuro di nos refineria no tin base sólido pa sostené su kontenido.

 

Charles F. Cooper

Miembro di Frakshon

pa MFK den Parlamento

 

Webmaster

Leave a Reply