• PLAN DI AKSHON
    MFK 2016
  • flag-curacao flag-holanda
Home Charles Cooper Charles Cooper MFK: Gobièrnu no skonde pa bo responsabilidat, ba firma convenant...

Nos di MFK a bini ta sigui minister Konket djaserka riba diferente tema. Un di e temanan ta ku Minister Konket a anunsia den medionan di komunikashon ta ku ela bai pidi konseho na e Organo di Konseho di Estado (RvA), riba kon mester interpretá e lei i akuerdonan (Convenantnan) entre gobièrnu i sindikatonan hasí den pasado.

Nos di MFK ta kere ku minister Konket mester kumpli ku palabrashonnan i kombenionan hasí den pasado ku e representantenan di trahadó nan di gobièrnu. Pasobra ya kaba nos ta sintiendo intrankilidat reinando na boka di trabou den gobernashon i esaki lo no kumbiní pueblo di Kòrsou na e momentunan aki. Hecho ta ku den pasado Gobièrnu a firma kombenio nan ku e sindikatonan ku ta representa trahadó nan di gobièrnu. Anto awor minister Konket kier hasi manera ku e kombenio nan aki no tin valides. Nos no ta spera ku e akshon ku minister Konket a bini kune aworaki di pidi konseho na e Organo di Konseho, ta un maniobra pa tarda kos i rèk kakiña. Esaki solamente lo sirbí pa tira gasolin riba e kandela.

Hecho ta ku na final di dia e akuerdonan den e Convenantnan mester kumpli ku nan. Si minister Konket no ta esun ku kier duna e kontesta, Minister Presidente Rhuggenaath of Minister di Finansas Gijsbertha lo tin ku sali duna aklarashon. Nan no por schuif e kos for di nan, pa pidinan entregá den pasado awor mester kumplí ku Gobièrnu su parti.

De paso, nos di MFK ta hanja ku ta redikuló ku minister Konket a indiká den medionan di komunikashon ku lo laga ambtenarnan huramentá di nobo. Segun LMA tur ambtenaar mester huramentá ora nan kuminsá traha of ora nan kambia di funshon. mester wak e asuntu aki bon pa e ambtenaar nan di por ehèmpel Eilandgebied Curaçao. Pasobra kasi tur, si no ta tur ambtenaar di e tempu di Eilandgebied Curaçao a huramentá serka Gezaghebber e tempu ei kaba. I e prosesverbal nan aki ta warda den archivonan di gobièrnu.

Si na Land Nederlandse Antillen di e tempu ayá, e ambtenarnan no a hurmentá, anto e ora ei minister Konket mester huramentá esunnan aki só. Pues, basikamente nos di MFK ta sugerí sr. minister Konket, pa no bai gasta tempu valioso ku huramentashon di tur ambtenaar. Sigur no e ambtenaarnan ku a huramentá kaba den pasado. Mihó minister Konket usa su tempu pa sinta ku e sindikatonan den CGOA i kumpli ku lokual ku a Convenantnan firma ta kontené.

Charles F. Cooper

Miembro di Parlamento

Kòrsou, 28 di sèptèmber 2017

Webmaster

Leave a Reply