• PLAN DI AKSHON
    MFK 2016
  • flag-curacao flag-holanda
Home Gerrit Schotte Fundashon Gerrit Schotte i MFK ta sigui hasi famianan felis den 2017,...

 

Fundashon Gerrit Schotte i MFK ta sumamente felis di por hasi mas i mas famia felis, awe a tuma luga na sede di MFK entrega di e premio kual ta un biahe riba un krusero pa kuater persona pa Alaska.

Ku un alegria enorme famia Sillé a reakshoná, ora lider polítiko di MFK a sorprendé e felis ganador, ku un yamada telefóniko pa informá nan ku nan ta e felis ganador di e sorteo di 1 di sèptèmber último. No tin palabra pa deskribí e alegria di e ganador aki i ku Todopoderoso a skohe nan famia pa ta e felis ganador ku a ta bai subi un barku krusero pa bai dal un keiru na Alaska.

Fundashon Gerrit Schotte i MFK lo kontinuá ku proyektonan, ku nos sa ku ta hasi nos abitantenan felis i ku ta un nesesidat den nan bida diario. Ya ta 4 aña ku annualmente premionan manera outonan nobo nobo di aña, komestibel, sen cash i awor fakansi nan espektakular ta wòrdu gana ku Fundashon Gerrit Schotte i MFK. Nos ta invitá pueblo di Kòrsou pa ta pendiente di fundraising di desèmber próksimo ora Fundashon Gerrit Schotte i MFK bin ku un fundraising kaminda siudadano nan di nos dushi Kòrsou lo por gana diferente premio.

Pa medio di esaki Fundashon Gerrit Schotte kier yama Pueblo di Kòrsou danki pa bosnan kontribushon i na famia Sillé un pabien kaluroso i ku bosnan lo disfrutá di e premio aki, un danki tambe na nos spònser nan pa boso konfiansa.

Na nòmber di Fundashon Gerrit Schotte i MFK

Gerrit Fransisco Schotte

Kòrsou, 14 di sèptèmber 2017

Webmaster