• PLAN DI AKSHON
    MFK 2016
  • flag-curacao flag-holanda
Home Gerrit Schotte 50 dia a pasa di Gabinete Rhuggenaath i kiko a kambia na...

Ekonomia ta paralisá, Niun kupo di trabou nobo, Yagmentu i mas yagmentu, Investigashon i mas investigashon, mas retiro masal di trahadónan na kaminda

Normalmente un Promé Minister ta usa su promé 100 dianan pa marka kon e lo goberná e pais pa e próksimo 4 añanan, markando (footprint) e akshonnan i metanan prinsipal pa su pueblo. E proyektonan i inisiativanan mas importante ta wòrdu emití i ehekutá den e 100 dianan aki. Por ehèmpel Presidente Barack Obama 8 dia despues ku e la huramentá (20 di yanüari 2009 el a huramentá) e tabata den kongreso di Merka pa pasa dia 28 yanüari 2009 e lei ku yama “American Recovery and Reinvestment Act 2009” un Economic Stimulus Package pa ‘boost’ bek ekonomia di Merka. Un partido polítiko sa adelantá promé ku gana elekshon kiko e tin ku hasi pa kambia rumbo di su pais, den dianan promé ku transishon di gobièrnu asesornan ta yuda prepará e plan pa ehekutá inmediatamente. Di e forma aki hopi akshon ta tuma lugá den e promé 100 dianan, asina rònt mundu promé ministernan i presidentenan ta usa nan promé 100 dianan pa “set e standard” di na gobièrnu su ritmo di gobernashon.

30 dia di trabou den Yüni 2017, Gobièrnu merikano a krea 409,000 kupo di trabou nobo na Merka, aki na Kòrsou kuantu kupo di trabou Gabinete Rhuggenaath a krea den 50 dia di trabou?

(Source: https://www.dol.gov/newsroom/releases/opa/opa20170707 – Non-farm payroll employment rose by 222,000 jobs. 187,000 private sector jobs were created in June, “This month’s robust job creation and moderate wage growth has direct impact on American families.)

Na Kòrsou den e promé 100 dianan, Gobièrnu a anunsiá den nan prólogo di nan akuerdo di gobernashon ku ta bai usa 90 dia pa traha un plan di urgensia riba problemanan agudo i ku ta indiká ku en realidat nan a drenta Goberná sin un Plan.

Mas aleu tambe ta birando mas ku bisto ku riba temanan di preokupashon tin un silensio total di parti Gobernashon, miéntras ku e situashon sosial-ekonómiko lokal ta insostenibel.

Despues di 50 dia di no duna niun komentario riba e Gobièrnu aktual pa evitá ku nos ta wòrdu tilda di ta esnan ku ta stroba nan di hasi e trabou, esaki ta nos promé análisis di nan 50 dianan ku a pasa.

Government performance will be measured by your employment rate in your Country.

Gerrit F. Schotte

Lider di Frakshon di MFK

Kòrsou, 17 yüli 2017

 

Webmaster