• PLAN DI AKSHON
    MFK 2016
  • flag-curacao flag-holanda
Home Jacinta Constancia Pueblo di Kòrsou ta pasando den un krísis di skuridat danki na...

Durante di e último dos añanan ku a transkurí, nos por a tuma nota ku e frekuensia ku koriente ta kai afó ta oumentando i esaki ta trese hopi problema pa kasnan di famia i komersio ku ta pèrdiendo hopi plaka ku e konstante apagon nan aki. Aqualectra ta kana broma ku “rating” finansiero optené, miéntras ku nan “rating” tékniko ta laga di deseá.

Tur esaki danki na un maneho intransigente di parti di e eks minister di finansa, hunta di komisariado i un gerente tèrko ku gobièrnunan di turno ta tene man riba su kabes. A hiba un maneho den Aqualectra, kaminda a konsentrá riba un maneho finansiero, siendo ku Aqualectra no ta un empresa finansiero pero un kompania di utilidat ku mester garantisá pueblo di Kòrsou koriente i awa na un nivel konfiabel. Danki na e maneho finansiero aki awe nos ta haña e kuenta presentá ku tur dia koriente ta kai afó.

Na e momentonan aki tin mas ku un mashin den mantenshon. No ta usual ku ta pone mas ku un mashin den revishon na mes momento, esaki debí ku bo ta oumentá e riesgo riba e ret di koriente. Pero e direktor eksperto di Aqualectra no ta tene kuenta ku e tipo di práktikanan aki i ta imponé e ta imponé su desishonnan deskabeyá sin tene kuenta ku e problema ku e ta hinka pueblo di Kòrsou aden, manera ta sosodiendo na e momento aki.

Empleadonan di Aqualectra tin ku funshoná bou di un régimen di teror, kaminda ora e pober empleadonan aki kometé un fout mínimo e gerente aki ta tuma medidanan disiplinario kontra di nan. Resientemente e direktor general suplente a manda un karta di “waarschuwing” pa e direktor tékniko akusando e direktor di ta kulpabel di un situashon di “Load Shedding” ku a presentá. Ta empleadonan ta CRU ta tur hende ta robes i ta haña karta di “waarschuwing” ménos e direktor general suplente i hunta di komisario ku ta responsabel pa e maneho final.

Na e momentunan aki tin mashinnan nobo ku a drenta operashon aña pasa ku ya tin problemanan tékniko i nan no ta riba e ret ta produsiendo koriente. No tin ningun plan di invershon na e momentunan aki di parti di Aqualectra pa amplia e kapasidat pa produsí koriente. Ta invirtiendo miónes di florin den e programa SAP i “Automatic Meter Reading” i ta neglishando invenshonnan pa tin mas kapasidat riba nos ret di koriente.

Den luna di febrüari CRU ya a informa ku lo bai tin mantenshon grandi na su plantanan, esaki lo bai trese kuné ku e problema di apagon aki lo bai dura te den luna di febrüari próksimo, esaki ta algu ku pueblo di Kòrsou no por i no mester akseptá.

Palabra ta na gobièrnu pa den un periodo korto solushoná e problema ku konstantemente koriente ta kai afó i nombra yunan di tera ku tin sufisiente konosementu tékniko den hunta di komisariado i gerensia di Aqualectra. Pasombra na e momento aki ta e dicho na hulandes “ in het land der blinden is eenoog koning” i esaki na bienestar di Kòrsou no por sigui prevalesé.

Banda di esaki nos ta enkurashá gobièrnu pa bin ku maneho mas dirigí riba koriente alternativo i pa mas pronto posibel eliminá e belasting riba koriente ku ta frena ku siudadanonan i komersiantenan di invertí den energia alternativa.

Ta bon pa menshoná ku introdukshon di energia alternativa lo no kontribuí den pèrdida di kupo di trabou i nos di MFK ta dispuesto na kontribuí ku nos konosementu pa mas pronto posibel bin un kambio den nos forma di produsí koriente, debí ku e forma konvenshonal aki ta tresiendo hopi disgustu serka pueblo di Kòrsou.

Na 2012 a manda Aggrekonan bek paso gerensia a rekupera reservannan di koriente propio ku plantanan di Aqualectra ront Kòrsou tabata tin pero pa motibu di retraso di mantenshon Aqualectra tabata karese di dje, awe si manda buska Aggreko bek ta paso gerensia a faya ku kiko presis?

Yanüari 2012 – Deklarashon di gerensia di Aqualectra riba Aggreko:

https://www.youtube.com/watch?v=b9zKscwrGi0

Atentamente,

Jacinta V.A. Constancia

Miembro di Parlamento (MFK)

 

 

 

 

 

 

 

 

Athunto: Karta 9 novèmber 2016 ku gerensia ta pidi pa Gobièrno mantene mesun komisarionan den Aqualectra paso parse ku niun hende no ta kontrola otro, tur hende ta trahando bon bon ku otro, mientras komersio i pueblo ta paga e preis.

https://www.scribd.com/document/336426323/Directuer-vraagt-aan-herbenoeming-leden-van-de-raad-van-commissaris-Aqualectra-9-11-2016

 

 

Webmaster

Leave a Reply