• PLAN DI AKSHON
    MFK 2016
  • flag-curacao flag-holanda
Home MFK Frakshon di MFK di bishita na Ministerio di SOAW – Ku un...

Kòrsou, 13 di novèmber 2016,

Movementu Futuro Kòrsou (MFK) djabièrnè 11 di novèmber 2016, a hasi un bishita na e ministerio di SOAW, ku ta kai bou di responsabilidat di minister sra. Larmonie-Cicilia, pa asina nos frakshon wòrdu pone na altura di e último desaroyonan i problemanan agudo den e ministerio aki.

img_3138

MFK a hasi uso di e oportunidat pa sera konosí mas di aserka ku e ministerio di SOAW i pa presentá nos kuater miembronan di parlamento di Kòrsou pa e periodo di 2016-2020 na sekretariado di e ministerio.

Nos frakshon a haña un bista di e edifisio nobo unda e servisio aki ta ubika, pero tambe nos a risibí informashon nan balioso manera entre otro lei(nan) i/òf konsepto di lei(nan) den preparashon ku e ministerio ta trahando kuné. Tambe nos a wòrdu informá kua ta e áreanan ku e ministerio ta duna sosten na dje den parlamento, pa asina komo parlamentario nos por hasi nos trabou mas mihó.

MFK lo bishita tur e ocho Ministerionan kual ta, Ministerio di Salu Públiko Medio Ambiente i Naturalesa, Ministerio di Hustisia, Ministerio di Personal, Ministerio di Transporte Públiko Infrastruktura i Bibienda, Ministerio di Finansa, Ministerio di Ekonomia, Ministerio di Enseñansa Siensia i Deporte i ministerio di Asuntunan General.

Den parlamento e tarea primordial di un parlamentario ta pa traha lei(nan), p’esei ta imperativo i importante pa frakshon di MFK na komienso di kada periodo di gobernashon, hasi un bishita na kada ministerio pa skucha kua ta nan retonan i tambe nan dolónan pa asina komo parlamentario nos por duna aporte den parlamento pa un mihó funshonamentu di e ministerionan aki, pero tambe pa wak ku e leinan ku ta regarda e ministerionan aki ta nesesario i ta kubri e nesesidat nan di e ministerio i di pueblo di Kòrsou.

img_3198Frakshon di MFK ta gradisí na Minister demishonario sra. Larmonie-Cicilia, pa a fasilitá e bishita aki, ounke ku e mes no tabata presente. Tambe un palabra di gradisimentu na e personal di ministerio di SOAW pa e forma profeshonal i amikal ku a risibí i informá nos frakshon.

Un danki speshal na sekretario general interino sr. Martina i sra. Mcauly.

 

 

Webmaster

Leave a Reply