• PLAN DI AKSHON
    MFK 2016
  • flag-curacao flag-holanda
Home Gerrit Schotte Posibel Fraude i iregularidatnan den proseso elekshon 30 di sèptèmber 2016 i...

RUEDA DE PRENSA

26/09/16 – SEGURIDAT PA PUEBLO

 Bon biní tur hende, danki pa boso presensia.

Awe nos ta bai papia tokante kon e último añanan akí insiguridat a bai birando kada dia pió den nos pais i algun di e solushonnan ku lo hasi ku situashon por drecha supstansialmente. Famianan no tin e konfiansa pa sali riba kaya. Den último añanan lugánan públiko a bira tur dia mas insigur. Siguridat ta e promé deber di Estado i e promé derecho di siudadanonan.

Pero awe, e realidat nos dilanti ta duru. Awe e siudadano tin temor i gobièrnu no ta kumpli ku su deber manera mester ta.
E gobièrnu aktual nunka a asumí su responsabilidat ni a kontestá reklamo di pueblo pa mehorá siguridat den nos bario- i kayanan.
I esaki no ta nada nobo. No ta kos ku nos a inventá. Nos ta djis lesa korant pa nos sa kiko ta sosodiendo… kada bes mas i mas drama i tragedia.
Siguridat di siudadanonan kada bes tabata di ménos importansia riba agènda di gobièrnu. Inkluso t’asina ku último aña a baha gastu riba presupuesto pa siguridat.
Siudadanonan di Kòrsou, mi ke sigurá boso ku nos no tin miedu. Ta ora di pone man firme kontra kriminalidat, ta ora di un gobièrnu ku kurashi ku ta defendé su hendenan.

 

Esaki nos ta logra ku karakter, kompromiso i determinashon!

Un kousa grandi no konosé plaso. E tin meta, i esaki ta un di nos metanan mayó: KABA KU INSIGURIDAT NA KÒRSOU !

wega-limpi

E SOLUSHONNAN KU NOS TA PROPONÉ DEN MFK PA MEHORÁ INSIGURIDAT DI NOS ISLA TA BASÁ RIBA E FUNDESHI KU NOS TA YAMA SIGURIDAT, PAS I HUSTISIA.

 P’esei, nos a parti nos proposishon na tres:

HUSTISIA

Man duru den kumplimentu ku regla i lei.

 Nos ta pèrkurá pa esnan ku stroba òrdu públiko o kometé un delitu, ta kumpli ku loke lei ta dikta.

Nos lo aktua ku firmesa. Esei ta nos promé akshon konkreto. Nos no ta bula pipa pa kumpli ku nos responsabilidat di mehorá siguridat di pueblo.

rueda-di-prensa-26-sept-2016-5

Presupuesto destiná pa siguridat

Nos ta debolbé presupuesto na e kartera di siguridat. Mi no por imaginá mi un gobièrnu ku no tin heful pa reklamo di su hendenan ku ta soportando gòlpi duru pa motibu di delinkuensia. Nos lo hasi nos máksimo esfuerso pa kaba ku krímen den nos pais.

SEGURIDAT

POLISNAN MIHÓ EKIPÁ, BON FORMÁ I ENRTRENÁ:

Skol di formashon polisial

Ta importante pa nos polisnan tin un formashon moderno i ku nan ta debidamente kapasitá pa nan trabou. Riba tur kos nan mester tin vokashon di sirbi i defendé nos siudadanonan.

( E skol di formashon pa polis ku nos ta bai krea lo enkarg’é ku profesionalisashon di kuerpo polisial. )

Mas i mihó ekipo

Lo tin mas i mihó ekipo pa polisnan por respondé di manera mas efikas ora distinto situashon presentá.

Kuerpo polisial ta haña:

  • Pistol ‘Taser’ (Eléktriko)
  • Segway’s (Punda/Otrobanda)
  • Radio de frekuensia pa kada polis na Kòrsou.
  • Unifòrm uniforme pa tur polis. (mucho variashon)
  • ‘Tèst’ di alkohòl i aparatonan propio pa den trafiko.
  • Ekipo di primera klase pa detektá droga.
  • Nightvision , sniperguns pa arrestieteam, kamara pa polisnan riba dashboard
  • Nos lo fortalesé sekshon di e kachónan di polis.
  • Material i transporte pa polisnan anti-motin i polisnan di aresto
  • Material moderno i kurso pa polisnan di inteligensia

*Traha Gym na warda di polisnan/prison i na brantwer, tambe na tur departamentunan hudisial pa asina tur persona obligatoriamente mester bai train 2-3 biaha pa siman durante ora di trabou (mester rosternan in) Alo largo esaki lo bira un maheo general den gobièrno.

*Training di tiramentu mester ta rutina di trabou

Motocross

Nos ta bai kumpra 20 motocross, totalmente ekipá, pa brinda un servisio mas ágil i efektivo.

 Mas patruya

Nos lo kompra te 150 outo di polis nobo pa usa mediante e sistema di finansiamentu ‘Leasing’.

rueda-di-prensa-26-sept-2016-4

REINGRESO ATMINISTRATIVO I OPERATIVO

Departamento de Patruyahe i Siguridat

  • Nos lo krea e Departamento di Patruyahe i Siguridat ku lo ta enkargá ku ehekutá e plannan di patruyahe i ronda den barionan, di un manera efisiente i korektamente distribuí.
  • Ademas, nos ta bai traha riba outonomia di Kuerpo Polisial pa e no ta dependé mas di RST.
  • Lo oumentá e responsabilidat di e Departamentonan di polis.
  • Di awor padilanti POLITUR lo ta parti di polis.

Otro kos ku ta preokupá mi ta e kantidat di persona ku tin nan propio polis komo eskolta. E kos akí mester kaba. Solamente e hendenan ku realmente mester tin polis privá lo haña LBD.

Nos mester di tur tur polis pa kuida i hasi ròndu den kayanan di Kòrsou.

kse-2

MAS SOLUSHON

Yamadanan di emergensia

Aktualmente polis ta tarda 1 ora pa yega kaminda a yam’é. Un ora ku por ta desisivo pa bida di hende.

P’esei nos ta bai redusí e tempu pa polis yega kaminda tin mesté di dje, esta pa den máksimamente 20 minüt nos polisnan semper kla pa aktua durante 365 dia di aña i na servisio di nos pueblo…, yega!

Boton de pániko

Nos ta bai instalá 200 boton di pániko na e lugánan mas konfliktivo na nos isla.

‘APP SEGUCUR’

Nos lo krea un aplikashon… un ‘APP’ komo alternativa di denunsia.

Mihó iluminashon

Nos lo pone na marcha un Plan pa mehorá iluminashon den kada zona di e isla akí.

Servisio di kámara di vigilansia

Lo ta di suma importansia instalashon di mas kámara di siguridat pa kuida i protehé nos pueblo.

Nos lo duna un servisio transparente i efikas.

kse-1

TRANKILIDAT SOSHAL

Prevenshon di delito

Nos ta kere fervientemente den prevenshon ku ta kuminsá fo’i chikí; na skol, ku un formashon integral di e mucha, ku konseptonan manera: Sivismo, prevenshon, rèspèt pa próhimo.

Esakinan ta djis algun di e proyektonan di Siguridat ku nos tin prepará pa boso, ku leinan ku ta ahustá na e realidat ku nos ta bibando, ku nos polisnan debidamente formá, kapasitá i bon entrená.

Mi ta gradisí boso pa boso presensia.

Masha danki!
GFS

 

Webmaster