• PLAN DI AKSHON
    MFK 2016
  • flag-curacao flag-holanda
Home Gerrit Schotte 10 famia a gana 1000 florin na Centrum Supermarket

Willemstad, 11 di september 2016

10 famia a gana 1000 florin na Centrum Supermarket
Ramon Yung kandidato # 15, ganador di e 10 mil florin
na komestibel di Fundashon Gerrit Schotte ta sede su premio

Djabièrnè 9 di sèptèmber durante selebrashon di Gerrit Schotte su 42 aniversario, Fundashon Gerrit Schotte a saka ganador di e premio di 10 mil florin na komestibel na Centrum Supermarket.

Tur esaki a tuma lugá den un area di Saliña karga ku un multitut di hende ku a duna oido na e invitashon ekstendé na nan via di media i riba retnan sosial, tabata nos invitadonan ku tabata tey presente pa selebrá huntu ku e lider polítiko di Movementu Futuro Kòrsou.

9-sept-2016-2

Despues di orashon di pastornan Oviedo i Papi Esprit i e diskurso di Gerrit Schotte invitadonan a pasa parti pafó pa asina for di e tómbola karga ku lòtnan a kuminsá ku e proseso pa saka un ganador di e 10 mil florin na komestibel opsekio di Fundashon Gerrit Schotte na Centrum Supermarket den kuadro di e proyekto DUNA BEK.

Despues ku diferente esnan i despues jovennan presente a hinka nan man den tómbola i saka nòmber nan ku no tabata tey presente pa reklamá nan premio, a toka turno na un hobensita ku su man inosente a saka nòmber di Ramon Yung komo ganador di e 10 mil florin na komestibel.

diferente-famia-kompleto-ku-a-bin-selebra-aniversario-di-gerrit-schotte

Ramon Yung na su turno a disidí ku e tambe ta bai duna pueblo di Kòrsou bek. Ramon a skohe pa saka 10 ganador di kual kada unu lo risibí mil florin na komestibel di Centrum Supermarket. E desishon di Ramon a kousa alegria enorme serka tur ku tabata presente i e 10 ganadornan tambe tabata kontentu ku nan premio.

Di e forma aki Fundashon Gerrit Schotte huntu ku Ramon Yung, un biaha mas a trese felisidat den kas di 10 famia ku e regalo di mil florin na komestibel. Di parti di Fundashon Gerrit Schotte i Movementu Futuro Kòrsou nos kier gradisí Ramon Yung pa su akto noble di sede su premio na 10 famia. 1. Famia E. Gutierrez, 2. Famia I. Gonzalez, 3. Famia A. Merien-Martha, 4. Famia O. Verginia, 5. Famia J. Elizabeth, 6. Famia T. Seferina, 7. Famia E. Francisco, 8. Famia A. Da Costa Gomez, 9. Famia S. Van Uytrecht, 10. Famia A. Martís.

I no lubidá ku dia 25 próksimo na serada di kampaña na Bándabou nos lo saka for di tómbola 5 ganador di mil florin kèsh i dia 28 di sèptèmber na serada di nos kampaña elektoral dilanti di nos sede na Lindberghweg nos lo saka ganador di e outo GreatWall M4 – Mini SUV (Star Motors N.V.) di aña 2017.

gerrit-schotte-ta-firma-e-premio-pa-10-famia-kada-uno-1000-florin

Asina ta wak pa bo ta presente na e dos aktividatnan aki pa asina bo por reklamá bo premio. Fundashon Gerrit Schotte ta kontinuá hasiendo famianan felis i ta riba rumbo ku su organisashon ruman Movementu Futuro Kòrsou pa dia 30 di sèptèmber proksimá nos “Ban Kambia Nos Bida”

Na nòmber di Fundashon Gerrit Schotte

Webmaster