• PLAN DI AKSHON
    MFK 2016
  • flag-curacao flag-holanda
Home Gerrit Schotte Fundashon Gerrit Schotte i MFK su akshon di limpiesa ta alkansá sifra...

E akshon di limpiesa ku Fundashon Gerrit Schotte, MFK, boluntarionan, doñonan di dòmtrùk i lodernan bou di nòmber “I Love Curacao Clean”a inisiá dia 4 di mart último a yega na e sifra rekòr di 1.4 mion kilo di sushi depositá na landfill Mal Pais.

Manera informá for di inisio di e proyekto aki, e akshon di limpiesa tabata intenshoná pa evitá un brote di Zika manera nos a konosé tempu tabatin e malesa di Chikungunya. Grato ta nos sorpresa kon pueblo di Kòrsou a konektá ku e akshon di limpiesa aki i aserka nos organisashon indikando diferente mini-landfill nan ku mester wòrdu limpia. Un danki tambe na Selikor ku a fasilitá nos 150 bon pa tira e sushinan afó.

Te kaminda tabata posibel a duna un man i hasi posibel pa e mini-landfill nan aki a wòrdu limpia i krea un ambiente mas saludabel pa esnan ku ta abitá serka di e sitionan aki kaminda sushi nan ta wòrdu depositá i ku por tin komo konsekuensia brote di sanguranan ku vírùsnan ku ta sumamente peligroso pa salú di e ser humano.

Athunto un tabla ku ta ilustrá pa luna e kantidat di sushi ku a wòrdu depositá na landfill Mal Pais;

Bario Feb Mar Apr May Jun Jul Aug Total
1.BOCA SAMI 223060 85440 308500
2.CAS GRANDI 13230 13230
3.CHOLOMA 7170 7170
4.KUSTBATERIJ 19520 196060 500 216080
5.OTROBANDA 10890 12040 85340 108270
6.SALINJA 1590 920 2510
7.STA ROSA 7150 48510 55660
8.STEENRIJK 150870 42900 51500 12640 257910
9.STENEN KORAAL 21810 21810
10.AREA DI SITEK 57660 57660
11.MONTEVERDE 80070 80070
12.CHERASIEL 59520 26100 85620
13.STAKAMAHACHIWEG 47250 47250
14.RONDE KLIP 77720 77720
15.MON REPOS 83710 83710
16.WEG NAAR FUIK 62010 62010
Total   19,520   602,870   228,420   85,340   51,500   200,740   296,790     1,485,180

Nos kier felisitá pueblo di Kòrsou ku e logro aki i tambe motivá kada siudadano di nos dushi isla pa yuda mantené nos dushi Kòrsou limpi i bunita.

Sea den gobièrnu òf den oposishon Fundashon Gerrit Schotte i MFK lo kontinuá ku akshon nan ku ta na benefisio di e pueblo di Kòrsou. “I LOVE CURACAO CLEAN”

Gerrit F. Schotte

Presidente Fundashon Gerrit Schotte

Logo MFK un kambio sigur-2Logo Original Fundashon Gerrit Schotte

 

 

 

 

Webmaster