• PLAN DI AKSHON
    MFK 2016
  • flag-curacao flag-holanda
Home MFK 3 dia di luto en konekshon ku Fayesementu di Sra. Monique Koeyers-Felida...

E dia di awe, ta un dia ku a hasi e famia di Movementu Futuro Kòrsou (MFK) hopi doló, ku hopi tristesa nos a risibí e notisia ku nos eks miembro di Parlamento i miembro di nos organisashon Monique Koeyers-Felida a bai laga nos. Lo no bai ta fásil pa nos superá e pèrdida aki.

Pero Dios ta esun ku tin e desishon final den su man i awe Todopoderoso a yama Monique pa huntu ku Señor e kuminsá un etapa nobo den e reino selestial, den e paraiso ku Dios tin p’e.

Monique un miembro ku tabata tei na nasementu di MFK i semper alegre i dispuesto pa yuda su organisashon i miembronan, semper positivo i ku konseho òf palabra di ánimo pa kada un miembro di MFK ku aserká Monique pa kualkier pregunta òf yudansa.

Nos a konvivi ku Monique durante di e periodo di su malesa i nos tabata tin hopi speransa ku Monique lo a rekuperá, pero destino a disidí otro i awe Monique no ta huntu ku nos mas.

Movementu Futuro Kòrsou kier manda palabra di kondolensia na su señora Mama, su kasa Kenneth, su yunan Nissa i Katherine, su nietu Siani i tambe na tur rumannan i demas famianan.

Den nos sede nos lo inmortalisá Monique dor di krea un espasio kaminda nos lo publiká diferente potrèt di Monique pa asina semper e keda den nos memoria.

Monique sosegá na pas, bo rekuerdo semper lo keda bibu den memoria di bo organisashon Movementu Futuro Kòrsou.

MFK lo ta di luto i lo para tur aktividat relatá ku kampaña elektoral pa 3 dia, esaki ta motibu ku frakshon di MFK a hasi un petishon na presidente di Parlamento pa kansela e reunionnan di e siman aki.

Na nòmber di Direktiva, Lider Polítiko i Miembronan di Movementu Futuro Kòrsou,

 

Dorothy Pietersz-Janga                                            Gerrit Schotte

Presidente                                                                 Lider Politiko

Monique Koeyers-Felida (1)

 

Webmaster

Leave a Reply