• PLAN DI AKSHON
    MFK 2016
  • flag-curacao flag-holanda
Home Gerrit Schotte deklarashon di MFK enkuanto invitashon di su ekselensia sra. Gobernadora na Gerrit...

DEKLARASHON

Awe lider di frakshon Movementu Futuro Kòrsou a manda un karta di kontesta pa su ekselensia sra. Gobernador. Den e karta MFK ta informá ku ta ku asombro a tuma nota di e invitashon di gabinete di gobernador pa un seshon di informashon relashoná ku elekshon di 30 di sèptèmber, kaminda lo duna informashon riba formashon di gabinete i tambe screening di kandidatonan pa bira minister.

Konforme nos konstitushon, elekshon ta un responsabilidat di gobièrnu di Kòrsou. Gobernador komo representante di korona hulandes, no tin ningun responsabilidat relashoná ku ningun elekshon.

Motibu pa kual na momento ku lider di frakshon di MFK a risibí e invitashon di gobernador, a manda un karta ku pregunta pa minister di asuntunan general, promé minister sr. Whiteman kaminda a hasi diferente pregunta relashoná ku e invitashon ku MFK a risibí.

Henter e seshon di informashon aki ta sumamente dudoso ora ku un di e aktornan di e krísis konstitushonal ku Kòrsou a konosé na 2012, sr. S. Betrian, ku su persona kontra di nos areglo di estado ta wòrdu nombra komo promé minister, lo ta esun ku dia 13 di yüni próksimo ta bai duna informashon na esnan presente.

Den e karta ku a bai awe pa gobernadó, lider di frakshon di MFK ta informá ku nos lo no ta presente na e reunion, esaki teniendo na kuenta e puntonan ariba menshoná i tambe los for di posibel kontestanan ku minister di asuntunan general por duna i basa riba nos konstitushon. Por sierto, mester kòrda ku Gobernador ta representante di Rei Willem Alexander. Komo tal, meskos ku Rei Willem Alexander no ta permití pa organisá un reunion asina na Hulanda, su representante na Kòrsou tampoko no por hasi esaki.

 

Kòrsou, 8 di yüni 2016
MOVEMENTU FUTURO KÒRSOU  

Webmaster

Leave a Reply