• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas 14 dia a pasa, unda Whiteman a keda ku kontestanan riba Marvelyn...

14 dia a pasa, unda Whiteman a keda ku
kontestanan riba Marvelyn Wiels
Pin sèn for di kuenta di banko di gobièrnu ta sigui normal,
for di 12 di mei a pidi 14 dia pa bin bèk i kontesta preguntanan i te ainda nada

 


Willemstad, 7 di Yüni 2016,

Dia 12 di mei último den reunion di parlamento, promé minister Ben Whiteman a pidi 2 siman pa bin kontesta e pregunta nan ku parlamento a hasi na su persona relashoná ku e maneho di minister plenipotensiario Marvelyn Wiels, miéntras ku e FIESTA ku tin na Kas di Kòrsou aya na den Haag ta kontinuá. Despues di 4 rapòrt (2 rapòrt di SOAB, 1 rapòrt di Ombudsman, 1 rapòrt Intregale Doorlichting – December 2015) traha riba kas di Kòrsou no por tin motibu pa sigui hala kakiña. Bou di kualke otro sirkunstansia i ku kualkier otro minister sinta eynan lo a yama e kaso aki un kaso di ladronisia, korupshon i malversashon di plaka di pueblo, dor komo ta trata di un di esnan ku por konta kosnan fèrfelu di e gobièrnu i e 12 parlamentarionan sinta den koalishon aktual nan ta tapa kara i laga e fiesta kontinuá.

Koalishon ta sinta mira sin reklamá nada pasombra e fiesta na Hulanda ta un akto mas ku tin ku agregá na e lista di pastechinan di koalishon. Ya nos konosé e 1. robo mionario di e kámaranan di INSPUR, 2. pintamentu di kaya ku no ta duna e resultado primintí, 3. 4 mion di florin pa fundashon fantasma FDRS, 4. Hospital nobo ku ta kostando bòshi sèn, 5. dilnan pa rapòrtnan riba skol di polis, 6. un kantidat di proyekto sin ku ta tene destaho públiko, 7. benta di DOK ku e kompania Dammen, 8. Prolongashon di Monopolio di HAF via di términonan hurídiko, 9. Tim MDPT (tim multi disiplinario den RDK) ku ta gastando miónes di florin for di 2013 bin ariba etc. etc., esaki djis pa menshoná algun.

Partido PAR a drenta koalishon gañando pueblo ku nan ta bai buta òrdu na kas di Kòrsou, pero Marvelyn Wiels a mustra nan ku nan tambe tin ku forma parti di e desórden i huntu ku minister suplente di PAR ta PIN sèn di Pueblo pa pone fiesta manera nan haña ta bon na kas di Kòrsou.

Tur partido di Koalishon ta kulpabel pa e resultado di e 4 rapòrtnan ku awe tin riba mesa, relashoná ku Marvelyn Wiels na Kas di Kòrsou. Pero Pueblo di Kòrsou ta warda pa wak ku den e reunion ku a keda pendiente pa tuma lugá den 14 dia, kon lo bai sigui skonde tras di skòrsmentu di e reunion pa sigui kuida Marvelyn Wiels.

Moshon di deskonfiansa den direkshon di Whiteman/Marvelyn Wiels ta traha kaba, kaminda miembronan di Staten lo instruí promé minister ku NO por sigui tolerá e maneho di nan “Iron Woman” na kas di Kòrsou, ban wak si presidente di Staten Mike Franco lo yuda pa sigui protegé Marvelyn Wiels, kòrda ku 30 di sèptèmber ta un bes aki, djis trai porta!

Gilmar “Pik” Pisas

Miembro di Parlamento (MFK)

 

Webmaster

Leave a Reply