• PLAN DI AKSHON
    MFK 2016
  • flag-curacao flag-holanda
Home MFK MFK ta entrega mas sifra anual na KSE

Movementu Futuro Kòrsou (MFK), djárason 25 di mei último a hasi entrega di sifranan anual na presidente di Konseho Supremo Elektoral (KSE) sr. Pacheco Römer. Di parti di MFK tabata presente lider polítiko Sr. Gerrit Francisco Schotte, presidente di MFK sra. Dorothy Pietersz-Janga i sekretario general sr. Sithree van Heydoorn.

Manera ya ta konosí MFK ta e promé partido ku a kumpli ku lei di finansiamentu di partidonan polítiko. Ora ku na 2012 nos organisashon a hasi entrega di sifranan di 2011 na KSE. E sifranan aki a wòrdu kontrolá pa SOAB i un karta a wòrdu entrega na KSE i MFK kaminda SOAB ta duna su aprobashon pa e sifranan di 2011.

MFK ta e úniko partido ku te ainda a risibí un karta di SOAB kaminda e servisio di akountent di gobièrnu ta sertifiká ku e sifranan anual di 2011 ta korekto i ta konforme e lei di finansiamentu di partidonan polítiko.

1

MFK tur aña a tene su reunion general kaminda miembronan a aprobá e sifranan di e aña korespondiente. Motibu ku e relatonan finansiero aki no a wòrdu entrega na KSE, tabata ku durante di e último añanan ku a transkurí KSE no a duna balor na ehekushon i implementashon di e lei di finansiamentu di partido polítiko.

Awor ku MFK a tuma nota ku KSE ta aplikando e lei pa tur organisashon polítiko, MFK awe a entrega su sobra kuentanan anual na KSE. Nos ta kontentu i sumamente orguyoso ku nos ta e promé organisashon polítiko ku for di introdukshon di e lei nos a entrega nos sifranan na KSE. Danki na nos esfuersonan kontinuo mustrando ku otronan ta violando e lei i ku KSE a para fuerte ku tur partido mester entrega nan sifranan promé ku elekshon di 30 di sèptèmber próksimo.

Di parti di bestür di MFK nos kier a gradesí tur nos miembronan di bestür i tesorero ku a duna nan aporte den kompilashon i presentashon di e sifranan anual.

MFK lo sigui traha pa un “Un Kambio Sigur”, pasombra nos tur ta konsiente ku un “Mihó Kòrsou ta Posibel”.

Na nòmber di direktiva di MFK

Gerrit F. Schotte
Lider Polítiko
Kòrsou, 25 di mei 2016

Webmaster

Leave a Reply