• PLAN DI AKSHON
    MFK 2016
  • flag-curacao flag-holanda
Home MFK MFK ta selebrá su di 6 aña di aniversario Danki na pueblo...

Lucha, Sakrifisio, Sabiduria i Perseveransia, a hiba MFK awe 17 di mei 2016 na selebrashon di su di 6 aniversario. Nos por mira atras riba 6 aña di trabou duru, kaminda direktiva, lider polítiko i miembresia a sakrifiká ora i dia, pa por a saka nos organisashon polítiko dilanti i pa posishoná MFK komo un organisashon polítiko ku ta skucha batimentu di kurason di pueblo di Kòrsou.

Nos ta sumamente orguyoso ku den e 6 aña ku a transkurí nos tabata tin e privilegio di por a sirbi pueblo di Kòrsou 2 aña den gobernashon i durante di e último 4 añanan ku a transkuri den banki di oposishon defendiendo interes di kada siudadano di Kòrsou.

Pa nos di MFK e 6 añanan aki a yuda nos pa atkerí, un konosementu amplio riba gobernashon pero e kos di mas importante tabata ku nos tin un komunikashon konstante ku pueblo di Kòrsou. Durante di e 6 añanan ku a transkurí, portanan di nos sede tabata habri tur dia di siman pa skucha i yuda pueblo di Kòrsou ku konseho pa aliviá e problema i dolónan inmenso ku nan a bin ta eksperensia e último kuater aña nan ku a transkurí.

Pa medio di nos programa radial nos a mantené pueblo informá riba desaroyonan ku ta di interes general i polítiko.

E selebrashon di awe lo ta kuminsá for di 7or na nos sede kaminda nos lider polítiko lo tene un diskurso i despues sr. Welton Papi Esprit lo hasi un orashon pa gradisi Todopoderoso pa e 6 aña nan ku a transkurí i pidiele pa iluminá i bendishoná e kaminda ku lo hiba nos na e “Kambio Sigur” di 30 di sèptèmber próksimo.

Pa medio di esaki nos kier manda un palabra di felisitashon pa tur miembro di MFK pero en partikularmente na tur esnan ku ta warda 30 di sèptèmber próksimo pa di un forma demokratiko depósita konfiansa den Movementu Futuro Kòrsou.

Pabien pueblo di Korsou i ban pa e “Kambio Sigur”.

Sithree van Heydoorn
Sekretario General Direktiva di MFK
+5999 540-9714

Webmaster

Leave a Reply