• PLAN DI AKSHON
    MFK 2016
  • flag-curacao flag-holanda
Home Jacinta Constancia “AMOR I BALOR DI TRABOU” NA TUR OKASHON TA UN BENDISHON, PERO...

Sra. Jacinta Constancia parlamentario pa Movementu Futuro Kòrsou a asistí na e selebrashon ofisial di defunto Ciro Kroon (estatua pega ku SVB) pa frakshon di MFK ku por sierto tabata e úniko frakshon ku tabata tei presente di e demas partido(nan) ku tin representashon den parlamento di Kòrsou.

Prome di mei 2016 ta rekordá ku 60 aña pasa defunto Ciro Kroon a sòru pa awe nos por selebrá Dia di trahadó.

Na e okashon aki nos di Movementu Futuro Kòrsou a pone atenshon na un gran baluarte i yu di Kòrsou ku a nifiká hopi pa nos Pais. Sra. Jacinta Constancia ta di opinion ku esun ku tin un trabou ta un bendishon. Na mesun momento ta indiká ku pa esnan ku ainda no ta laborá e oportunidat pa ta bendishoná ku un trabou ta keda un responsabilidat ku gobièrnu tin di asumí pa asina e grupo desempleá aki tambe por wòrdu bendishoná ku un trabou den futuro.

No ta un sekreto ku tin un grupo muchu grandi di hende ku ta desempleá i ku ta kore riesgo di no por mantené su mes i famia desentemente. Ta imperativo pa e grupo aki por risibí empleo pa e stòp di keda purba na sobreviví dia aden dia afó. Mayornan ku tin di sakrifiká pa sobreviví. Sueldo(nan) ku ta leu for di loke ta konforme lei, stipulá.

Alabes tin e grupo di hende (trahadó) ku tin empleo i ta konfrontá abuso laboral den orario di trabou. Hopi ta trahadó(nan) ku tin di para 8 ora riba pia, otro (nan) ku tin di warda bùrt pa por bai orina, i alabes trahadó ku no por ninga di traha riba dia liber pasobra ta ser menasa ku lo pèrdè trabou. Grupo di trahadó sinta i/òf benta dilanti di negoshi parti pafó den break, pasobra no tin espasio den e negoshi apartá pa nan por sinta desentemente.

Hende ta pèrdè trabou sin motibu válido i ora nan yega entidat di gobièrnu ta komo sifuera nan preokupashon no ta importante. Tin hende ta traha 2 te 3 diferente trabou i konforme lei 8 ora ta pa traha, 8 ora pa rekreá i 8 ora pa drumi, den aña 2016 e repartishon aki hopi hende pa por sobreviví ya no ta kumpli ku esaki i ta di lamentá.

Ta importante tambe pa gobièrnu invertí den kurso/lès kapasitá e hubentut si realmente ke stòp di duna pèrmit bo mester tin hóben prepará kapas pa por asumí responsabilidat di trabou sino bo ta perhudiká e empresa ku despues por skohe tambe pa kore limpi bai laga Kòrsou.
Sra. Jacinta Constancia ta enfatisá ku selebrá di dia di trabou mester pone mas énfasis riba trato humano i apliká sanshon i/òf hasi e trabou(nan) den kuadro di lei pa garantisá un mihó atendementu ku hende.

Selebrá i pronunsiá palabra (nan) bunita pa loke ta trata labor no ta sufisiente sigur mirando kuantu ta hóben(nan) ku tin hamber pa ku un trabou i ta skohe na un otro forma pa krea su propio trabou ku hopi ta desaprobá sin buska pa sa mas leu.

Na final sra. Jacinta Constancia komo parlamentario pa Movementu Futuro Kòrsou ta duna di konosé na nos habitante(nan) ku ta bon pa semper balorá e trabou ku bo tin kual sea esaki ta, balorá bo trabou ku hopi amor. Sòru tambe abo ku tin trabou hasi tur bo esfuerso pa yuda un otro tambe yega kaminda abo a yega awe kontagia kada un hende ku bo palabra nan i splika nan ku nan mester buska un trabou pa por tin sufisiente pa biba desentemente.

Jacinta Constancia
Miembro di Parlamento pa MFK

Webmaster

Leave a Reply