• PLAN DI AKSHON
    MFK 2016
  • flag-curacao flag-holanda
Home Gerrit Schotte Djasabra último dia 9 di aprél nos tabata anfitrión di nos Fundraising...

Kaminda kolaboradornan, e fiél sostenedornan i tambe miembronan di partido por a disfruta di un sena delisioso i tambe di e charla duná pa nos invitado speshál Dr. Nico Merizalde, kende ta manehá un di e sentronan di adikshón di mas grandi den nos region.

El a duna un mensahe hopi konmovedór di su historia personál i kon pa surpasá obstakulonan den bida kousá pa e problemanan di adikshón. E palabranan di Dr. Nico a toka e lider polítiko di MFK asina tantu ku ela disidí na e momento ei pa no duna e diskurso ku e tabata tin prepará si no enfatisá e mensahe di Dr. Merizalde.

“Nos tin ku sali den kayanan di Kòrsou, den nos barionan i yega serka nos bisiñanan i duna un abraso yen di amor i speransa na e prohimo ku mas mester di dje.” Tabata palabranan di Gerrit ora ku ela dirigí su mes na e invitadonan. “Solamente pa medio di amor i unión, nos lo por sostené otro i yega na e kambio sigur pa nos país.

Despues di e charla, invitadonan por a disfrutá di músika di Highway Band i tambe GIO den un fiesta bailabel pa konkluí e anochi ku tabata unu inolvidabel. A reina un ambiente hopi alegre kaminda un gran kantidát di persona a partisipá apoyando e evento di rekoudashón di fondo aki.

Webmaster

Leave a Reply