• PLAN DI AKSHON
    MFK 2016
  • flag-curacao flag-holanda
Home Gerrit Schotte PUEBLO TA DUNA SU RESPALDO NA UN KAMBIO SIGUR PA KÒRSOU

Miles di siudadano a reuní djabièrnè último 8 di aprel den kayanan di Saliña pa duna inisio ku hopi entusiasmo, huntu ku Gerrit Schotte i MFK, na e kampaña elektorál 2016.

MFK a ranka sali ku su kampaña elektorál 2016 ku un evento di apertura kaminda por a sinti e energia i e speransa den kada persona ku tabata presente.

“Ora ku un gobièrnu ta dirigí rumbo di su pais sin ningun klase di vishón, ta ora pa un kambio sigúr. Ami i nos partido MFK, huntu ku boso tur, ta bai yega, na sèptèmber proksimo, na e kambio sigúr ku nos tur ta anhelá na dje.” Esaki tabata palabranan di e lider polítiko Gerrit Francisco Schotte durante di su diskurso.

Durante e magno evento aki tambe a bira hopi felis Sra. Ruthsella Antonia-Jansen, kende a resultá e ganadó di e auto nobo nobo Haima M3 ku a wordu rifá.

Tabata e proprio Gerrit kende a yena e formulario ganadó durante su kaminata den e bario di Quirindongo Abou. Pueblo di Kòrsou mester ta pendiente pa e proksimo sorteo di dia 9 di yuni proksimo, unda lo rifa un auto mas i tambe e sorteo di dia 29 di sèptèmber proksimo, kaminda un siudadano lo bai gana un KAS.

Kampaña a kuminsá! Gerrit i MFK ta kla! UN KAMBIO SIGUR ta bai yega pa e pais aki paso yá e simia ta plantá den kurason di tur Yu di Kòrsou.

 

Webmaster

Leave a Reply