• PLAN DI AKSHON
    MFK 2016
  • flag-curacao flag-holanda
Home Gerrit Schotte E Mega akshon di Fundashon Gerrit Schotte i boluntarionan “I Love Curacao...

541,110 kilo di sushi a wòrdu depositá na lèntfel

E akshon di limpiesa ku Fundashon Gerrit Schotte i boluntarionan i kontratistanan, “I Love Curacao Clean” a inisiá dia 4 di mart último a surpasá e meta i awe ya ta na 541,110 kilo di sushi rekohé. E kalkulashon inisial tabata ku di e 16 barionan ku ta planeá pa wòrdu limpia den e promé fase, lo mester a rekohé 217,000 kilo di sushi.

Ku un satisfakshon enorme nos por por informá bo ku sin ku nos a bishita tur e barionan ku inisialmente ta den e planifikashon, nos a yega na un sifra rekòrt di sushi depositá na lèntfel di 541,110 kilo. Esaki ta un logro hopi grandi i ta algu mas ku dòbel di e kantidat kalkulá na inisio di e proyekto.

Barionan ku ya a haña bishita ta, Kustbatterij, Saliña, Otrobanda, Domi Abou, Choloma, Cas Grandi i Steenrijk, Bonam/Quirindongo Abou.

Tur esaki den kuadro di e proyekto grandi di “I Love Curaçao Clean” – www.ilovecuracaoclean.com, ku pa medio di e paginá di internèt aki pronto nos ta bai krea un kontrol sosial kaminda tur siudadano ku un telefòn inteligente por usa esaki komo un hèrmènt pa saka potrèt i/òf graba esnan ku ta susha nos dushi Kòrsou. E potrèt i/òf videonan aki lo wòrdu publiká al instante riba e paginá di internèt ariba menshoná.

E karavana di limpiesa lo kontinuá den e siman nan ku ta sigui pa asina di un forma humilde pero efisientemente nos duna un kontribushon na limpiesa di nos dushi Kòrsou. Pero mas importante ta pa nos evitá ku sanguranan por tin sitionan kaminda nan por konsentrá i transmití malesanan/virusnan peligroso pa nos siudadanonan.

Fundashon Gerrit Schotte ta orguyoso di e boluntarionan ku ta dunando un man den e trayekto aki i tambe nos ta kontentu ku e abitantenan di e barionan ku tambe ta sali pa duna un man den limpiesa di nan bario.

Diesdos parlamentario a vota kontra di un moshon 15 di febrüari pa a habri nos lèntfelnan pa un periodo di grasia, pero danki na nos forma di pensa, diferente i progresivo, ku awe di e forma aki tòg nos por duna nos kontribushon chiki pa limpia nos dushi Kòrsou.

Sea den gobiernu òf den oposishon Fundashon Gerrit Schotte lo kontinuá ku akshon nan ku ta na benefisio di e pueblo di Kòrsou.

Fundashon Gerrit Schotte

IMG_0770 IMG_0771 IMG_0774 IMG_0776 IMG_0778 IMG_0782 IMG_0785 IMG_0786 IMG_0787 IMG_0789 IMG_0791 IMG_0793 IMG_0797 IMG_0802

 

Webmaster

Leave a Reply