• PLAN DI AKSHON
    MFK 2016
  • flag-curacao flag-holanda
Home Gerrit Schotte FUNDASHON GERRIT SCHOTTE I MFK UN BIAHA MAS A HASI UN FAMIA...

Willemstad 6 Aprel 2016 – E kambio ta jegando pa tur yu di Kòrsou. Riba e dia di ayera, Fundashon Gerrit Schotte i MFK -den presensia di Gerrit Schotte- a hasi Sra. Anderson i su famia hopi felis na momentu ku a hasi na nan entrega di e di tres premio di e sorteo di dia 31 di mart último na balor di sinku mil florin.

 

Sra. Anderson a wordu risibí ku abrasonan di felisitashón di parti di Gerrit. Nan a haña e oportunidát di tene un kombersashón ameno unda e por a ekspresá su sintimentunan di emoshon i gratitút pa e premio ku ela risibí. Sra. Anderson tabata akompañá pa su señor esposo kende tambe tabata hopi emoshoná i felis.

 

Dia 31 di mart último, Fundashon Gerrit Schotte i MFK a hasi un famia felis pa di diestres biaha, na momentu ku a hasi entrega di e promé premio di e sorteo, un Pickup Wingle 5, na Sr. Edmund Hook. Tantu Sr. Hook komo Sra. Anderson a reakshoná hopi sorpresá na momentu ku nan a risibí e yamada di e lider polítiko di MFK, Gerrit Schotte, pa duna nan e tremendo notisia.

 

Tur yu di Kòrsou mester ta pendiente pa e eventonan di fundraising di dia 9 yuni benidero i tambe pa esun di dia 29 di september próksimo, kaminda un habitante di nos dushi isla lo bai gana un bunita KAS.

 

Fundashon Gerrit Schotte i MFK ta gradisi pueblo di Kòrsou pa e sosten inmenso ku nan a bin ta risibí. Ban huntu rumbo pa UN KAMBIO SIGUR i un mihó futuro.

FUNDASHON-GERRIT-SCHOTTE-I-MFK-UN-BIAHA-MAS-A-HASI-UN--FAMIA-FELIS2

FUNDASHON-GERRIT-SCHOTTE-I-MFK-UN-BIAHA-MAS-A-HASI-UN--FAMIA-FELIS

 

Webmaster

Leave a Reply