• PLAN DI AKSHON
    MFK 2016
  • flag-curacao flag-holanda
Home Gerrit Schotte Fundashon Gerrit Schotte i MFK ta sigui hasi famianan felis den 2016,...

Fundashon Gerrit Schotte i MFK ta sumamente felis di por hasi mas i mas famia felis, ku entrega di outo number 13 na e felis ganador kual ta sr. Hook i tambe Sra. Anderson ku a resultá di ta e felis ganador di e terser premio ku ta sinku mil florin kèsh.

Ku un alegria enorme sr. Hook i sra. Anderson a reakshoná, ora lider polítiko di MFK a sorprendé e felis ganadornan, ku un yamada telefóniko pa informá nan ku nan ta e felis ganadornan di e sorteo di 31 di mart último. No tin palabra pa deskribí e alegria di e ganadornan aki i ku Todopoderoso a skohe nan dos pa ta e felis ganadornan ku a subi den e trein di Fundashon Gerrit Schotte i MFK ku manera nos a bin ta hasi na 2013,2014 i 2015 tambe den 2016 nos lo sigui pasa rònt Korsou.

Fundashon Gerrit Schotte i MFK lo kontinuá ku proyektonan, ku nos sa ku ta hasi nos abitantenan felis i ku ta un nesesidat den nan bida diario. Nos ta invitá pueblo di Kòrsou pa ta pendiente di fundraising di dia 9 di Yüni awor i tambe 29 di sèptèmber próksimo ora Fundashon Gerrit Schotte i MFK bin ku un fundraising kaminda un siudadano di nos dushi Kòrsou lo por bira ganador di un KAS.

Di bèrdat 2016 ta e aña di kambio un KAMBIO SIGUR i huntu nos lo logra e kambionan aki na benefisio di kada un di nos ku ta habitá riba e dushi isla aki, ku yama Kòrsou.

Pueblo di Kòrsou danki pa bosnan kontribushon i na famianan Hook i Anderson un pabien kaluroso i ku bosnan lo disfrutá di e premionan aki, un danki tambe na Star Motors pa boso konfiansa.

Na nòmber di Fundashon Gerrit Schotte i MFK

Gerrit Fransisco Schotte

Kòrsou, 3 di aprel 2016

gfs2016 #unkambiosigur2016 #mfk2016 #elekshon2016

 

Webmaster

Leave a Reply