• PLAN DI AKSHON
    MFK 2016
  • flag-curacao flag-holanda
Home MFK Resúmen di 2015 – Movementu Futuro Kòrsou Trabounan hasí pa Sithree “Cey”...

Despues ku na novèmber 2015, pa motibunan di salú i tambe teniendo na kuenta e desaroyonan polítiko riba nos Pais, ora señora Monique-Koeyers Felida a tuma e desishon pa dediká tur atenshon na su salú i pa sigui ku su tratamentu médiko den eksterior i entregá su retiro komo miembro di Parlamento, MFK a start e proseso pa nombra sr. Sithree van Heydoorn komo Miembro di Parlamento pa Movementu Futuro Kòrsou.

Na desèmber 2015, sr. van Heydoorn a huramentá komo miembro di Parlamento. Tratamentu di Presupuesto 2016 tabata den e mes un siman ku sr. van Heydoorn a huramentá. E tratamentu di presupuesto tabata e úniko reunion nan di Parlamento ku sr. van Heydoorn a atendé promé ku Parlamento bai den reseso i finalisá aña 2015.

Sra. Koeyers-Felida tabata konsentrá su mes hopi riba tópikonan di enseñansa den Parlamento i esaki ta netamente lokual ku sr. van Heydoorn a sigui kuné. Durante su promé intervenshon na momentu di e tratamentu di Presupuesto 2016, sr. van Heydoorn a mustra kon den e último desenionan a neglishá enseñansa i ku ainda nos no ta realisando e importansia di enseñansa. Den e mesun rosea sr. van Heydoorn a kuestioná ku “Enseñansa grátis” no ta grátis i e nivel di nos edukashon ku e métodonan aktual no ta dunando e resultadonan deseá.

Preguntanan ku sr. van Heydoorn a hasi na Minister di Enseñansa durante e Reunion tabata tin di aber ku entre otro;

  • E kantidat di studiante ku a resultá komo “dropout” den 2014/2015
  • Studiamentu den region
  • Oumento di supsidio di SSC pa asina garantisá proyekto pa studia den region
  • Supsidio anual na Universidat di Kòrsou
  • Si tin un plan konkreto kon ta bai atendé ku retraso den mantenshon di e diferente skolnan na Kòrsou.

Sr. van Heydoorn no a keda te na e tópiko di enseñansa so, pero a dirigí tambe algun pregunta na Minister relashoná ku Sentro Pro Arte. Sr. van Heydoorn tabata kier a sa;

  • Kuantu sèn a wòrdu gastá pa ku Sentro Pro Arte for di aña 2010 i na kiko e sèn aki a wòrdu gastá.
  • Kiko ta e plannan konkreto pa 2016 pa loke ta trata e renobashon di e teatro nashonal aki.

Sr. van Heydoorn a finalisá su intervenshon durante e Reunion pa tratamentu di presupuesto 2016 ku un tópiko ku MFK for di komienso a bringa duru pe, Energia Renovabel “Panel nan Solar” na skolnan aki na Kòrsou. Un proyekto ku e gobièrnu aktual tin 3 aña kaba ta primintí ku lo wòrdu ehekutá, pero ku ainda ta wardá den lachi sin por start kuné.

Webmaster

Leave a Reply