• PLAN DI AKSHON
    MFK 2016
  • flag-curacao flag-holanda
Home MFK Promé Aktividat Públiko di Movementu Futuro Kòrsou di aña 2016

Den un Ambiente di Famia a Selebrá logronan di 2015

Djabièrnè último Movementu Futuro Kòrsou (MFK) a tene su promé aktividat pa habri aña 2016, na su sede na Lindberghweg den Saliña. Den un ambiente festivo i di famia, miembro i simpatisantenan a disfrutá di un anochi kargá ku entusiasmo pa subi e kaminda ku lo hiba nos organisashon polítiko na un viktoria elektoral sin presedente di 2016.

E anochi a wòrdu habrí ku un orashon pa sr. Ramfis Kolfin, kaminda di un forma humilde presente nan a invoká Todopoderoso I gradisielé pa tur loke e ser supremo a regalá MFK den 2015 i pa mustra kon agradesido nos tabata ku tur loke a wòrdu poné den nos kaminda. Di e mesun forma a pidi Todopoderoso pa guia nos movementu polítiko den 2016 i mustra nos e kaminda pa kana pa no solamente hiba nos na un triunfo elektoral pero mas importante pa duna kada un di nos miembronan sabiduria i humildat pa nos por konstruí e mihó Kòrsou ku ta posibel.

Gerrit Schotte lider polítiko di MFK, tambe a tene un diskurso elokuente pa esnan presente, kaminda su persona a para ketu riba diferente momentunan memorabel, importante i ménos agradabel den 2015, tambe Gerrit a pidi pa nos mantené den orashon Monique Koeyers Felida, maske ku su tratamento ta kanando positivo, orashon semper ta juda. Gerrit a kontinuá mustrando ku nos no tin nada di lamentá pa ku 2015 i ku MFK i su miembronan ta wòrdu poné na prueba tur dia di nobo pa Todopoderoso i ku nos no mester teme pa e pruebanan aki.

Lider polítiko di MFK a presentá e plan di fundraising pa aña 2016, kaminda ku un aplouso grandi esnan presente a risibí e “highlight” di 2016, kaminda MFK ta bai pone un kas na sèptèmber disponibel pa pueblo di Kòrsou gana, pa asina demonstrá ku MFK ta kontinuá pone fundraising na disposishon di Pueblo di Kòrsou, kaminda ta brinda Pueblo e oportunidat pa yena su nesesidat mirando ku kas pa pueblo no tin atenshon di e aktual gobernashon.

Tambe Gerrit a informá presentenan ku MFK ta kla pa bai elekshon i ku un kantidat grandi di miembro a pasa den e proseso pa ser skrutiná pa por subi e lista elektoral di MFK. Nos motor di kampaña ta sendé ya pa 3 aña i mèi i den 2016 nos lo simplemente intensifiká i fortifiká nos forma di atendé ku Pueblo di Kòrsou. Gerrit a jama danki na su koleganan parlamentario pa e tremendo trabou ku nan a ehersé den 2015 i ta spera ku den 2016 nan lo kontinuá riba e kaminda positivo i konstruktivo ku nan a bin ta kana riba dje.

Despues di e diskurso di Gerrit, presentenan a kontinuá e selebrashon den un ambiente di famia. Pa medio di esaki direktiva i lider polítiko di MFK kier deseá Pueblo di Kòrsou un 2016 próspero, kaminda huntu nos lo Konstruí un “Mihó Kòrsou” manera nos tur ta anhelá.

DSCF7610 DSCF7613 DSCF7615 DSCF7617 DSCF7622 DSCF7634 DSCF7638 DSCF7642 DSCF7648 DSCF7649 DSCF7651 IMG_3439 IMG_3440 IMG_3442 IMG_3444 IMG_3445 IMG_3453 IMG_3461 IMG_3465 IMG_3468 IMG_3469 IMG_3471 IMG_3472

 

Direktiva di Movementu Futuro Kòrsou

Sithree van Heydoorn

Sekretario General

+5999 510 9714

Kòrsou, 10 di yanüari 2016

Webmaster

Leave a Reply