• PLAN DI AKSHON
    MFK 2016
  • flag-curacao flag-holanda
Home MFK Ganadó # 10 di un Haima M3 di aña 2016 ta Konosi,...

Sra. E. Philipa ta gana su HAIMA M3 ku # 7450 premio # 3 di briyechi 3 di desèmber 2015

Djaweps 3 di desèmber a tuma lugá e sorteo kaminda Pueblo di Kòrsou tabatin e oportunidat di gana un di 3 outonan di marka Haima M3, ku sentimentu miksto nos mester a konstatá ku tabatin solamente un (1) ganador kual a resultá di ta Sra. E. Philipa.

Movementu Futuro Kòrsou (MFK) ta sumamente orguyoso ku un biaha mas MFK por hasi un famia mas felis.

E tipo di fundraising soshal aki organisá pa Fundashon Gerrit Schotte, bou di ouspisio di MFK ta yena un bashí serka e Pueblo den e tempu ekonómiko difísil ku Kòrsou ta pasando aden.

Nos satisfakshon despues di entrega di e outonan ta bira kada bes mas grandi, pa e forma kon Pueblo di Kòrsou ta reakshoná di un forma positivo riba e forma humilde ku MFK ta aserka e Pueblo ku e posibilidat pa nan por gana un outo nobo.

E dos outonan ku no a wòrdu gana, lo wòrdu pone di nobo na rifa via di e sistema di remate dia 28 di yanüari próksimo. Kada kumpradó por pasa ku nan lòt i validá (stèmpel) esaki di nobo pagando solamente 3 florin.

Miéntras ku Todopoderoso duna nos organisashon derechi di eksistensia, nos lo sigui ta “Mas Serka di bo” Pueblo di Kòrsou. Un abraso na kada un di bosnan ku ta partisipá den e fundraising nan aki i no lubidá ku MFK lo keda bin ku ideanan ku ta duna tur ku ta habitá riba nos dushi Kòrsou e oportunidat di por partisipá pa un dia por ta e felis ganador di un di nos outonan nobo.

 

Direktiva di Movementu Futuro Kòrsou

Sithree van Heydoorn

Sekretario General

 

Kòrsou, 6 di desèmber 2015

IMG_2056

Webmaster

Leave a Reply