• PLAN DI AKSHON
    MFK 2016
  • flag-curacao flag-holanda
Home MFK E di 5 Miembro di MFK pa Parlamento a Huramentá

Sithree van Heydoorn ta komplementá e Frakshon di MFK

Awe 7 di desèmber 2015, despues ku den parlamento a aprobá e kredensial nan di Sithree A. van Heydoorn den oranan di mainta. Mèrdia mitar di dos sr. van Heydoorn a huramentá na palasio di gobernador serka gobernador sra. Lucile Goerge Wout.

E huramentashon a tuma lugá den presensia di famia i miembronan di parlamento di Movementu Futuro Kòrsou (MFK). Ku e miembro nobo aki e sinku asientonan di MFK ta kompleto den Staten atrobe. Esaki danki na sra. Monique Koeyers-Felida, ku a entrega su retiro pa asina MFK por a yena su sinku asientonan den Staten.

Pa medio di esaki direktiva i lider polítiko di MFK kier gradisí sra. Koeyers-Felida pa e añanan ku su persona a representá frakshon di MFK den Staten. Direktiva di MFK ta hasi uso di e oportunidat aki, pa deseá sra. Koeyers-Felida un pronto rekuperashon i ku pronto e lo bo ta bek pa sostené MFK.

Direktiva i frakshon di MFK kier yama un bon bini na sr. Sithree van Heydoorn i ta deseá Sithree forsa i sabiduria pa karga e responsabilidat di Parlamentario, ku Todopoderoso iluminá bo karera nobo den polítika. Na Sithree su kasa i yunan, tambe forsa i danki pa e sosten duna tantu na Sithree komo su organisashon polítiko MFK.

E frakshon di Staten di MFK ta forma awor pa e siguiente parlamentarionan, Gerrit Schotte komo lider di frakshon, Gilmar Pik Pisas, Jacintha Constansia, Amerigo Thode i Sithree van Heydoorn.

Pueblo di Kòrsou por konta ku frakshon di MFK lo sigui vigilá bo(so) interes i lo kontinuá alertando bosnan riba kualke desishon ku lo por tin konsekuensia pa bosnan i nos di MFK lo sigui laga e bos di Pueblo di Kòrsou resoná den Staten.

 

Gerrit F. Schotte

Lider Polítiko MFK

Kòrsou 7 di desèmber 2015

Webmaster

Leave a Reply