• PLAN DI AKSHON
    MFK 2016
  • flag-curacao flag-holanda
Home Amerigó Thodé Minister van der Horst kier kita 70 trahadó for di trabou pa...

Ta pastechi regla pa kompinchi òf maneho di shouru?

Frakshon di Movementu Futuro Kòrsou (MFK) a wòrdu pone na altura ku Minister van der Horst ta planiando den sekreto un retiro masivo den nos sistema gubernamental.

Nos ta papia aki di no ménos ku 70 trahadó ku ta laborando ku dignidat tur dia pa por kria nan famia. Lo mas deskabeyá shouru ta ku e retiro aki no ta pa spar sèn, pero netamente pa remplasá nan ku “uitzendkracht”, kual probablemente ta di un kompania di un amigu òf pa benefisio personal.

Remplasando e empleadonan aki ku “uitzendkracht” lo kosta gobièrnu mas sèn pa luna, e úniko motibu ku nos por pensa ku e minister kier tuma e akshon aki ta pa sea benefisiá un bon amigu di dje òf e kier regla un pastechi pe, òf pa su benefisio personal. Ta alarmante kon un gabinete ku a mata nos pueblo ku medida ainda tin kurashi pa kontinuá lastimá nos pueblo ku tipo di aktonan sin moral asina aki. Paso un hende ku moral i rèspèt pa e mes no por ni pensa di hasi algu asina ku tata i mamanan di famia.

Esaki ta mustra ku ni e minister ni e gabinete aki no tin moral ni sentimentu pa nos pueblo i mas ainda pa e klase trahadó. Ta proba ku “uitzendkracht” lo kosta gobièrnu mas sèn pero aparentemente esei no ta importante pa e minister paso si mester paga mas sèn, e lo pasa mas medida kontra di nos pueblo pa asina haña sèn.

Meskos ku e plan ku e tin kontra di empleadonan públiko pa ku nan “loontrede” i plaka di vakashon, ku por sierto nos ta enfatisá atrobe ku posishon di frakshon di MFK ta keda ku no ta kontra di e medida aki i tur sobra medida nan ku e gabinete Whiteman kier tuma kontra di Pueblo di Kòrsou.

E akshon aki di van der Horst lo bai afektá alrededor di 70 trahadó ku tin nan añanan laborando den e aparato públiko i ku tur dia di nobo ta presentá na nan boka di trabou pa por kumpli ku nan famia.

Ta tristu pa mira kon Kòrsou tin un gabinete ku a buta moral un banda i ku ta wak solamente nan bienestar personal òf di nan amigunan.

Frakshon di MFK lo sigui e desaroyo aki di aserka i tambe lo wak e posishon di sindikato pa loke ta trata e situashon aki, paso sindikato mester ta e promé ku mester sali na defensa di e trahadónan aki.

Amerigo Thodé (MFK)

Kòrsou, 19 di novèmber 2015

IMG_0924

Webmaster

Leave a Reply