• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas Si Partido PAR, no drenta Gobièrnu, Gruponan Establesé lo Ataka e Lider...

A menas’é ku lo laga pone beslag riba su pertenensianan

Manera tur hende sa, Parlamentario Sra. Mozes, a kita sosten for di e koalishon forma pa Partido PAIS, PNP, PS i e miembro independiente Sr. Sulvaran, debí na e tantísimo medidanan ku a tuma di forma desproporshonal i ku apesar ku e koalishon a indiká ku 2015/2016 e gobièrnu ta bai duna Pueblo bek. Na lugá di kumpli ku e promesa aki koalishon a presente mas medida ku mester wòrdu tuma.

Despues ku Sra. Mozes a kita su sosten for di gobièrnu, dia 6 di novèmber último, partido PAR a bai mesa pa trata i ketu bai ta tratando di yega na un entendimentu ku e partidonan ku ta forma koalishon, pa trata na forma un mayoria. Despues ku esaki no a logra, Promé Minister Dr. Whiteman a entrega retiro di su gabinete na gobernador.

Diferente di e organisashonnan polítiko a bisa ku e Pueblo ke elekshon na e momentonan aki. Pueblo Soberano via di nan lider di Frakshon Sr. Melvin “Mac” Cijntje ta aparentá ku Pueblo Soberano kier elekshon, pero Pueblo Soberano ta negoshando ketu bai pa forma un gobièrnu pa asina logra goberná 7 luna mas pa asina kore kampaña usando fondonan públiko. Ora bo subi riba retnan sosial i tende programanan radial, tur kaminda tabata tin alegria ku porfin e gobièrnu a bai kas. Gruponan komersial ku últimamente ta kritikando gobièrnu di no ta hasi nada pa stimulá ekonomia ku komo konsekuensia ku diferente empresa mester a sera, awe sorpresivamente e mesun gruponan komersial aki ta sali na fabor di e gobièrnu aki, indikando ku un elekshon awor aki lo ta funesto pa ekonomia.

Grandinan ta bisa, nan mes ta toka nan mes ta baila.

Pero e punto di mas importante ku tin awor aki ta Partido PAR, ounke nan sa ku nan ta kometiendo suisidio polítiko nan ta wòrdu obligá di paden i pafo ku nan mester drenta i lapi gobièrnu.

E pregunta grandi ta dikon?

Tin miembronan di partido PAR ku a hipoteká entre otro nan kas (òf kas di famia) pa haña fondo pa partido PAR por a partisipá na kampaña elektoral 2012. E akshon di Glenn Sulvaran di kue e asiento di PAR, a debilitá e posishon di partido PAR i esaki a saka nan for di e posishon di ta dispone di 4 asiento, kual a kousa un doló inmenso serka e aktual lider polítiko di Partido PAR. Den su doló e lider polítiko a ekspresá masha hopi kos interno, entre otro ku e tambe a hipoteká su kas pa partido i Glenn Sulvaran ta hasi un kos asina ku nan.

Loke ta pasando awe ku e lider polítiko di PAR ta, ku tin un preshon grandi òf hasta por bisa un guiotina na su garganta, pa kueste loke kueste e lapi i/òf forma un gobièrnu. Tin asina tantu preshon riba dje i hasta menasa ku ta laga pone beslag riba su pertenensianan. Lo no straña nos si partido PAR forma un koalishon ku Partido PAIS, PNP, PS i tambe e mesun Glenn Sulvaran ku a bai ku asiento di partido PAR.

E pregunta grandi ta sinta ku si awor aki partido PAR no tin fondo pa kubri debe, ta unda si lo por haña fondo den e 7 pa 8 lunanan ku a sobra aki. Imaginá bo si tabata MFK, mesora tur klase di investigashon lo a kuminsá. Pero riba e rumor nan fuerte aki i di kual hasta tin konfirmashon dor di e propio lider di partido PAR ku su partido i su persona ta den problema finansiero grandi, bo no ta skucha ministerio públiko duna ningun deklarashon.

Ban spera ku tur lokual ta pasando awor aki, lo no resultá den un lamento pa e Pueblo aki despues ku e gobièrnu aki goberná durante e 7 pa 8 lunanan ku falta. E Pueblo aki ta bon bei i sigur ta kansa di tende ku supuestamente ta na interes di Pueblo di Kòrsou ta trata na forma un gobièrnu.

E formashon òf lapimentu di un gobièrnu lo no ta na bienestar di Pueblo di Kòrsou, sino mas bien e ta na interes propio di e partidonan ku ta trata na sigui goberná.

MFK no a kompletá su sinku asientonan den Staten pa tin un posishon sólido pa negoshá o drenta ningun gobièrnu i MFK no tin kuenta di rason di duna ningun parlamentario o organisashon polítiko di nos desishon nan interno di nos organisashon.

MFK no ta negoshando i tampoko nos no ta interesá pa forma parti di ningun gobièrnu transitorio o interino.

Un “Slogan” MFK tin den e krísis gubernamental aki, “Poder bek pa Pueblo di Kòrsou

 

Gilmar “Pik” Pisas

Miembro di Parlamento (MFK)

Kòrsou, 12 di novèmber 2015

IMG_0952

 

 

 

 

 

Webmaster

Leave a Reply