• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas Kusinchinan i Subida nan riba e kaminda ta kousando hopi molèster pa...

For di oranan trempan di mainta tráfiko ta pega i forma fila te na “Krakeel”

Despues di mi komunikado kaminda mi a kuestioná, tantu tardansa di e proyekto na altura di Tera Kora i tambe e karetera malu ku nos mester a pasa aden, gobièrnu a laga habri e kaya pa asina nos por a hasi uzo di esaki. Nos ta spera ku e proyekto no a terminá, i ku tin un garantia sera ku e kontratista pa asina por revisá reklamonan ku ta bini di parti di outomobilistanan i abitantenan di Banda Abou pa ku e karetera aki.

Mi mester menshoná ku no ta tiki ta e reklamonan ku mi a bini ta risibí di parti di outomobilistanan ku tin hopi, pero hopi problema ku orario den kual nan tabata kore normal, awor den e mes un orario e tráfiko ta stanka i ta forma fila sin nan por move bai niun kaminda. Esaki ta debí ku apesar ku tin dos drèmpel na e dos krusadanan a disidí tambe di pone e famoso kusinchinan riba e kaminda. E kusinchinan aki ta opstakulisá e tráfiko di tal manera ku outomobilistanan mester para nan vehíkulo pa por pasa riba e kusinchinan lokual ta trese stagnashon di tráfiko riba e kaya prinsipal aki. Despues ku pasa e kusinchinan outomobilistanan ta bolbe topa ku drèmpel i ora nan baha for di e drèmpel nan atrobe ta bolbe topa e kusinchinan i un biaha mas drèmpel. Tur esakinan ta trese un stagnashon, sigur pa outomobilistanan ku ta bini di Banda Bou direkshon pa Punda. Ora ku analisá e situashon mester konkluí ku, morkoi mes ta move mas lihé ku e situashon nobo aki riba e kaminda na Tera Kora. Filanan ta wòrdu forma for di mainta trempan for di Tera Kora te ku Karké.

Pa e motibunan ariba menshoná ta bai un yamada na e outoridatnan kompetente pa laga kita e kusinchinan aki inmediatamente. E drèmpelnan i tambe e smal ku a hasi e kaminda ku e alsera haltu mes ta sòru pa sufisiente siguridat den e área ei.

Un otro problema hopi grandi ta e entradanan pa diferente di e establesimentunan na Tera Kora. Na momento ku ta bandoná un di e lokalidatnan outomobilistanan ta haña nan konfrontá ku e parti dilanti di nan outo ta dal abou i e vehíkulonan ta sufriendo daño. Un yamada ta bai na e outoridat kompetente i e kontratista pa sinta huntu analisá e situashon i trese e kambionan nesesario pa un solushon duradero pa e problemanan ku mi persona a menshoná.

No laga ku ta preshon mester pone pa trese e kambionan menshoná. Gobièrnu sali i demonstrá ku bosnan ta kompartí e puntonan di preokupashon aki i remediá e situashon, esaki ta debí ku ta na nòmber di Banda Bou mi ta hasié.

Banda Bou ya ta demonstrando e union ku semper a boga paso Union ta hasi forsa.

 

Gilmar “Pik” Pisas

Miembro di Parlamento (MFK)

Kòrsou, 2 novèmber 2015

IMG_0952

Webmaster

Leave a Reply