• PLAN DI AKSHON
    MFK 2016
  • flag-curacao flag-holanda
Home Jacinta Constancia Jacinta Constancia: A straf Grandinan ku BVZ i awor ta straf nos...

E gobièrnu aki no tin niun hende na pechu

Nos ta konvensí komo parlamentarionan pa MFK ku e gobièrnu aktual no tin ningun sorto di vishon kon di atendé ku pobresa i nesesidat di hende, ta para proyekto di kuminda na skol pa despues kore yama bek pa purba sigui tòg ku e proyekto, kual ta e bèrdat awó?

Mi ta rekordá sra. Minister Larmonie-Cicilia ku den pasado a pidi eks Minister sr. Josefa i eks Minister sra. Jean-marie Fransisca i awe tambe bo persona komo e Minister nobo di SOAW pa “Ban Krea Trabou pa e Yu di Kòrsou”. Despues ku a toka turno na bo persona na desèmber 2014 i anunsiá ku lo krea trabou pa 1000 hóben nos ta tende awe ku e grupo di mama hóben i e negoshi(nan) ku ta entrega mas ku 600 mucha di skol kuminda kayente ta bai pèrdè trabou, nèt na un momento ku tin e ola kresiente di desempleo bou e pueblo di Kòrsou i muy espesial e grupo di hóbennan ku ta na 37,3% na 2011 I ku a oumentá awe na 47 % mas o ménos pa aña 2015.

Direpente Gobièrnu mes tambe a opta pa para proyekto di kuminda na skol. Empresario(nan) ku ta sòru sigur pa mas ku 600 mucha/hóben risibí kuminda na skol i trabou ku hulpmoedersnan a tende ku lo wanta/para e proyekto di kuminda na skol.

Den époka ku ami a fungi komo diputado na aña 2003 mi a heredá e proyekto di sr. Charles Cooper e tèmpo ei, i a sigui ku e bunita proyekto aki, pasobra no ta importante ken a inisiá e proyekto pero mas bien e balor imperativo ku e proyekto tin pa nos mucha/hóben(nan)ku meresé di kome un kuminda fuerte 1 x pa dia.

Kon por ta posibel ku un gobièrnu ku su eks lider a propaganda di ta para pa e yu di Kòrsou desaroyo di muchanan entre 0-4 aña, a propaganda ku lo introdusí “ Lei Bion” di sr. Inderson, Minister Larmonie-Cicilia ku a borotá for di fin desèmber 2014 ku e lo buta “1000 hoben na trabou” awe ta skohe pa kita hende for di trabou manda kas i para proyekto di kuminda kayente, nos por konkluí e ora ei ku tabata promesanan bashí.

Komo parlamentario pa Movementu Futuro Kòrsou, mi ta spera ku Minister di SOAW sra. Larmonie-Cicilia kuminsá asumí su responsabilidat den su kartera i stòp di kulpa otro minister pa su frakasonan i pa realmente kumpli ku e grupo den nesesidat pa nan mira realmente e parti soshal reflehá den e maneho aktual.

Alabes ta bon pa eksigí na nòmber di pueblo un splikashon kiko ta bai sosodé ku e proyekto di kuminda kayente, i si esaki ta sigui pa garantisá trabou pa e hulpmoedersnan i otro empresanan involukrá si òf no. Mi ta finalisá bisando ku mi ta spera ku sano huisio lo prevalesé i ku minister Larmonie-Cicilia rekonsiderá pa mantené e proyekto di kuminda na skol pa nos 600 muchanan.

Atentamente,

Jacinta Constancia

Miembro di Parlamento (MFK)

Kòrsou, 22 òktober 2015,

 

kids_at_lunch

Webmaster

Leave a Reply