• PLAN DI AKSHON
    MFK 2016
  • flag-curacao flag-holanda
Home Gerrit Schotte Gobièrnu-Koalishon aktual ta ninga benta di 30 mion florin pa edifisio di...

5 mion florin ta keda sin drenta den kaha di gobièrnu pa akomodá grupo amigu di Minister Jardim i koalishon i ta sera Hotel pa 14 luna

Despues ku a denunsia un biaha mas públikamente (16 di ougùstùs) último kon e gobièrnu aktual ta skohe pa bende propiedatnan di pueblo na preis barata ku grupo amigu òf ku di un manera òf otro ta benefisiá esnan gobernando e pais aktualmente nos ta haña nos obligá di denunsia e akshonnan aki públikamente.

Djamars awor MFK lo kompartí tur informashon relevante na e benta aki ku pueblo i tambe medionan di prensa;

  1. mirando ku preguntanan (17 di ougùstùs) di parlamentarionan no ta wòrdu kontesta dor di e gobièrnu aktual,
  2. petishonnan pa reunion (20 di ougùstùs) over di temanan grave i urgente ku sigur ta afektá integridat di esnan gobernando no ta wòrdu yama i presidente di Staten ta opstruí yamamentu di e reunionnan aki denter di 14 dia.

 

No a keda nada otro pa frakshon di MFK yama un rueda di prensa i kompartí i denunsia ku pruebanan/dokumentonan ya den nos man kon ta estafá pa di 3 biaha ku e mesun proyekto Sonesta awe Marriott pueblo di Kòrsou i ta buta na peliger e mas di 250 trahadónan di Marriott Hotel nan trabou na peliger.

Djamars awor nos lo tin un rueda di prensa pa 2or di mèrdia mirando ku nos Parlamento ta sekuestrá i e trabou parlamentario ya no ta kana manera den kualke demokrasia na mundu lo a tuma lugá.

Skucha i wak pa bo mes kon e gobièrnu aktual ta estafa hinter un komunidat miéntras nan ta tilda otro di korupshon atministrativo, estafa i robo miéntras 36 luna largu esaki ta tumando lugá den diferente magno proyekto ku protekshon di hustisia ku ta tapa su wowonan pa kuida esnan gobernando.

Kòrsou, 20 di sèptèmber 2015

Marriott-1

Webmaster

Leave a Reply