• PLAN DI AKSHON
    MFK 2016
  • flag-curacao flag-holanda
Home Jacinta Constancia Asbèst Gate – Yena ta yena ¾ drùm ku tera i sobra...

definitivamente tin malversashon di plaka den RDK N.V. bou di e gobièrnu aktual, Ministernan i parlamentarionan di koalishon ta bon bon na altura!

 

Gerensia di RDK aktual i hunta di komisario ku ta resorta bou di Ministerio di asuntunan General (Minister Presidente su kartera) ta krea un proseso di destaho públiko nobo, ta pidi tur kompania entrega 2 oferta unu tékniko i unu komersial. RDK N.V. su gerensia a purba haña informashon di preis promé ku nan tabata tin ku habri ènvelòpnan di tur e kompanianan ku a partisipá na e destaho, ora esaki no a sosodé nan a opta pa eliminá e 2 kompanianan (pa motibu ku nan bid tékniko tabata defisiente) ku nan no tin un sita kuné i a habri e oferta komersial di esun ku nan tabata ke pa gana (Torcida N.V.) Informashon ku frakshon di MFK tin ta ku e kompanianan ku a wòrdu deskualifika a bid 3100 florin pa m3 (meter kúbiko) miéntras a skohe i habri esun su ènvelòp ku a bid 5181,96 pa m3 (meter kúbiko).

Originalmente a invitá tur hende pa un proyekto di ‘opruiming’ di 500m3 di asbèst pa despues kambi’é hasié 200m3 òf hasié 200m3 mas pa asina e kompania ku a gan’é kobra e sobra 300m3 òf e 200m3 mas na “MEER WERK”.

Site 500m3

Amendment no.1 to contract no. RDK-2015:04:01

Additional scope of work 200 cube

Un proyekto di 800 mil florin pa e motibu aki a bira un proyekto di mas di 3 mion florin. Pero e froude mas grandi ta ku a prohibí tur esnan laborando na ISLA pa yega serka di e sitio di trabou pa evitá ku trahadónan ta bin den kontakto ku ASBEST pero logá a resultá ku no ta esaki ta e motibu ku a prohibí bin banda di RDK Yard.

E kompania ku nan a feks pa gana e destaho públiko ta yenando e drùmnan ku tera enbes di asbèst i kobra 5181,96 pa kada m3 (meter kúbiko) di MEER WERK ku no ta eksistí paso ta tera i no asbèst.

Mester bin un investigashon profundo den e maneho aktual di e gobernashon aktual i tambe den kompanianan manera RDK N.V. kaminda for di 2012 tin ingreso di mas di 4 mion di dòler pa luna i tambe e hür di refineria ku ta drenta anualmente den RDK N.V i Frakshon di MFK lo yama definitivamente un reunion públiko riba e tema aki.

Prof. Willems por bien sigui ku e enkuesta sivil pidi dor di FAS ku a lanta pa ataka Schotte so i no esnan ku ta gobernando for di 29 di sèptèmber 2012 te ku awe.

Jacinta Constancia

Miembro di Parlamento (MFK)

Kòrsou, 14 di Sèptèmber 2015

asbestos 3

 

Webmaster

Leave a Reply