• PLAN DI AKSHON
    MFK 2016
  • flag-curacao flag-holanda
Home Gerrit Schotte Komersiantenan alerta, e Gobièrnu di (PS/PAIS/PNP i Glenn Sulvaran) ku a kibra...

Tur komersiante rònt Kòrsou a eksperensha un bahada di por lo ménos 40% di benta durante e último 36 lunanan anto awor ku forsa brutu ta kobra belasting

Komersiantenan alerta, e Gobièrnu di (PS/PAIS/PNP i Glenn Sulvaran) ku a kibra e benta den bo negoshi awor a bin pa kita i buta beslag riba tur kos ku bo a traha pe paso nan mester kobra belasting pura pura!

Despues ku 36 luna largu komersiantenan a bin ta eksperensha tur e fabuloso medidanan di e Taken/Politiek Kabinet aktual, ku akshonnan nobo den kuadro di e maneho finansiero, awe ata e resultado.

Promé nos yega na e akshon nobo di e gobièrnu aktual, no lubidá e mentiranan di e Ministernan di turno di Ekonomia (di Partido PAIS) ku a engañá pueblo i komersiantenan ku gobièrnu lo a invertí (270 mion i den mas aña hasta a papia di 800 mion) pa mitiga e desaparishon di nos forsa di kompra den nos ekonomia.

E gobièrnu a “squeeze”/strangula delaster un kompania den nos pais, a ataka e klase trahadó i a kibra su kapasidat di kompra kousando un parálisis kompleto den nos ekonomia i awor a “kick in” e maneho fiskal di e gobièrnu komo e “cherry” riba e bolo. Ora ya kompanianan chikitu/mediano ta den un abismo finansiero kousa dor di e klima ekonómiko negativo kousa dor di e mesun gobièrnu awor esnan gobernando ta tilda tur komersiante ku pa nan motibu tin falta di plaka/ingreso den kaha di gobièrnu.

E bèrdat ta otro, ora e gobièrnu aktual a kompliká e sistema fiskal enbes di a simplifik’é, gobièrnu a difikultá e klima di invershon, e gobièrnu a kibra e forsa di kompra poniendo ku tur komersiante ta sinti e falta di kapasidat di kompra di su pueblo cq. e merkado di klientela i dimes tur negoshi ta bayendo malu, un mas ku otro.

Ta un bèrgwensa ku a “trommel op” yen titulo universitario huntu for di 29 di sèptèmber 2012 supuestamente hendenan drechi i sabi pa a salba Kòrsou, esaki segun e èks Gobernador Frits Goedgedrag, anto mira kon Kòrsou awe a para bira. Mayoria kompanianan a “downsize” dor di baha trahadónan pa asina baha gastu, p’esei awe e pais ta konta ku un porsentahe di desempleo di 13% yegando 14% ku ta mas di 10,000 persona sin trabou i “on top of it” awor ta sali ataka e merkado pa kue belasting ku forsa brutu paso no tin sufisiente sèn den kaha di gobièrnu.

E realidat ta ku e hendenan “drechi/sabi” ku titulo a bolbe ripití lokual a sosodé 15 aña pasa na aña 2000 kaminda a tuma lugá un eksodo di mas di 43,000 habitantenan ku a bai biba otro pais, butando ku kaha di gobièrnu no ta haña nunka lokual el a proyektá. Ta p’esei durante e último 3 añanan e minister di Finansa Jardim/Banko Sentral i VBC a inventá proyekshonnan di kresementu ekonómiko ku nunka no lo por a tuma lugá.

NO TIN KONFIANSA den nos ekonomia paso niun komersiante ku dos dede di sinti no ta bai invertí miéntras tin un gobièrnu ku ta inventá tur dia di nobo medidanan, dañando klima di invershon i butando ku na final di dia bo tin mas gastu di operashon, ku tin espasio pa bo por rekuperá bo invershon i produsí un márgen di ganashi den bo konsepto di negoshi.

E gobernashon aki ta un frakaso den tur aspekto sosial i ekonómiko, pueblo ta bibando esaki i tur kos ta indiká ku esaki lo empeorá promé ku surgi mehorashon abase di manehonan kuerdo i sano pa nos ekonomia. 

Gerrit F. Schotte

falling-off-cliff 1

 

#GFS2016 #MFK #MFK2016

Webmaster

Leave a Reply