• PLAN DI AKSHON
    MFK 2016
  • flag-curacao flag-holanda
Home Gerrit Schotte Gobièrnu Asjes i Koalishon ta laga direktor di Rif Resort N.V./Marriott Hotel...

Grupo ku gobièrnu ke bende e edifisio kuné lo sera Marriott pa 14 luna i komisarionan ta pidi “vrijwaring” pa firma e benta

Benta di edifisio di Marriott Hotel ku ta hinka bou di un kompania lanta dor di gobièrnu na aña 1987 (Rif Resort N.V.) esaki rondó di e frakaso di proyekto Sonesta lo wòrdu bende na un grupo ku e direktor aktual ku ta manehá e propiedat pa hopi aña kaba mes ta forma parti di dje.

Inkomprendibel pero ta un hecho ku Gabinete Asjes/Koalishon di 11 no ta importá nan kon nan bende, hipoteká, krea debe nashonal mas haltu pa pueblo di Kòrsou paga bek den tempu, awe nos ta tendiendo kon benta di edifisio di Marriott Hotel/Rif Resort N.V. ta tumando lugá.

Tin tur indikashon ku e grupo di e direktor di Rif Resort N.V. cq. doño di edifisio di Marriott Hotel tin tiki òf niun eksperensha den e mundu hotelero komo doño di e tipo di propiedatnan aki. Tambe ku e grupo ta esun ku na promé instansha a ofresé ménos sèn pa e kompra di e edifisio pero sinembargo pa e gobièrno aki ta e mihò. Ku e direktor ta na altura di tur kos (paso e tin voorkennis) dor ku e mes ta forma parti di e kompania Rif Resort N.V. ku ta na benta. Ku finalmente e dil ta hinka den otro pa nan grupo kumpr’é ya ku tur esnan envolví i ku ta den e proseso a traha tur proseso pa e bai den man di e grupo aki.

Gobièrnu i Rif Resort N.V. ta skohe un grupo ku ta bisa ku lo invertí miónes den remodelashon i ekspanshon riba otro gruponan ku a indiká ku nan lo hasi meskos pero ku resultadonan diferente ku e hotèl lo bira unu di mas di 300 kamber i ku esaki lo oumentá opviamente e kapasidat di empleo. Definitivamente e dil aki ta traha pa benefisiá e propio direktor di Rif Resort N.V./Marriott Hotel ku kier bende su mes grupo e propiedat.

E 200 trahadónan di Marriott Hotel mester lanta i mobilisá pa nan derechonan paso nan ta bai haña nan mes den un situashon di 14 luna ku nan boka di trabou Mariott Hotel lo ta sera segun e grupo aki mes ta indikando i probablemente sin muchu klaridat di nan kupo di trabou.

Desishon di Gobièrno tuma den Konseho di Minister dia 5 di ougùstùs 2015:

Rif Resort benta Marriott

curacao-marriott-beach-2marriott curacao-3

Webmaster

Leave a Reply