• PLAN DI AKSHON
    MFK 2016
  • flag-curacao flag-holanda
Home MFK MFK ta yama reunion komishon sentral riba e echo ku Gabinete Asjes...

Pa kualke konstrukshon i/òf ekspanshon di parke (di energia) di mulina di bientu i/òf otro ekspanshon di produkshon di energia na Aqualectra ku introdukshon di e dekreto na yüli 2012, Gabinete Schotte a garantisá ku mester a tene destaho públiko

Kòrsou, 21 di yüni 2015,

Sin duna publisidat mesora n’e, for dia 19 di yüni 2014, Gobièrnu di Kòrsou/Gabinete Asjes a hala bèk un dekreto nashonal (‘Landsbesluit’) ku ta preskribí ku mester tene destaho públiko pa konstrukshon i ekspanshon di parke di mulina di bientu. Asina ta habri kaminda pa kompania di koriente Aqualectra duna NuCapital komo aktual operador di e parkenan di mulina di bientu na Tera Kòrá i Playa Canoa e enkargo bou di man (onderhands) pa ekspandé e parke na Tera Kòrá. E forma di proseder aki ta trese kuné ku no ta buska pa komunidat risibí e mihó tarifanan di elektrisidat (eolico/wind energy) ku ta kumbiní e komunidat mas, na un manera ku ta kondusí na e kondishonnan mas faborabel, ni pa komunidat, ni pa e kompania di utilidat mes.

Den e ‘Landsbesluit’ di 19 di yüni di 2014 a skrap e obligashon pa tene destaho públiko. Tambe a kita e supervishon di Bureau Telecomunicatie en Post & Utilities. Esaki a habri porta pa Aqualectra por usa su posishon di monopolio i sera un konvenio ku NuCapital pa ekspanshon di e parke di mulina di bientu na Tera Kòrá sin tene destaho públiko. Esaki ta un manera pa desviá di e modelo di kompetensia di merkado kual ta un proseso sano i alabes e echo ku ta desviá di destaho públiko ta hasi posibel pa kue e konsumidó kabes abou. Ta bini aserka ku pa loke ta ekspanshon na Tera Kòrá no a skohe e sitio ku e kapasidat mas grandi. E faktor di kapasidat na Tera Kòrá ta varia entre 35% i 40%, esaki por ehèmpel na Koral Tabak of na Oostpunt lo por alkansá riba 60%. Pues, un invershon na Koral Tabak of Oostpunt ta produsí kasi dos biaha mas tantu na kapasidat di koriente di bientu, loke ta enserá ku esei ta produsí pa Aqualectra un preis muchu mas kumbiniente. Skohiendo tòg pa Tera Kòrá ta nifiká ku un biaha mas deliberadamente ta perhudikando e konsumidó, esta komunidat di Kòrsou. E desbentaha aki lo kosta pueblo di Kòrsou 375 mion florin den un periodo di 30 aña.

Nos a formalisá den pasado e obligashon aki den e ‘Landsbesluit’ di 30 di yüli 2012 i tambe den e lei di konseshon pa Aqualectra i ku e minister enkargá ku asuntunan di energia ta supervisá. Esaki tabata pa garantisá ku Aqualectra ta skohe pa e opshon mas kumbiniente pa komunidat ora ta trata kompra i produkshon di koriente. Asina nos lo evitá ku dilnan ta wòrdu será dor di gerensha den 4 muraya di Aqualectra manera hürmentu di Agrekko, General Electric i tantísimo otro dilnan di pasado ku awe tin pa menshona.

Ta mas ku lógiko ku si no tene un destaho públiko un biaha mas Gobernashon di PS/PAIS/PNP i Glenn Sulvaran ta opta pa goberná di un manera no transparente manera a para bira kustumber den kasonan manera kompra di outonan di polis, sentro pro arte, armanan di polis nobo i resientemente kámaranan na China di Inspur. Awe ku preisnan di petroli a kai esaki ta hasi ku tur otro opshon di produkshon di energia tambe ta ahustá su preisnan pa nan ta mas faborabel i asina kompetí, awor gerensha ke bai sera dil porta sera pa 0,… cent pa kw/h.

windsolar

Webmaster

Leave a Reply