• PLAN DI AKSHON
    MFK 2016
  • flag-curacao flag-holanda
Home MFK MFK: Ni Schotte, Ni MFK no a bai dil nada na China...

Minister di Hustisia Navarro (PAIS) a dil algu straño na China i awor e kier tene lanta na MFK

Awe nos por skucha na radio i tambe lesa den korant kon minister Nelson Navarro ta fulminá kontra di MFK. Tur esaki pasombra su persona a bai China, dil kontrakt ku Inspur pa kompra di kámara, kontra tur regla i leinan di kontabilidat, gaña komunidat ku ta un showcase pa regio nos tei bira i ku esaki lo ta grátis i awor ku tin partidonan di koalishon ku tambe ta krítika e minister, e pober a kuminsá ataka MFK.

Nelson Navarro pa bo informashon, MFK ta PRO pa bin ku Kámara di Vigilansha na Kòrsou,

Loke MFK no ta bai sostené ta e forma kon bo persona kier violá leinan di kontabilidat pa kumpra e kámaranan. MFK no por sostené un minister di hustisia, ku mester tei pa mantené órden, pero kier yega na kompra di kámara violando lei.

MFK su sinku asientonan lo no sostené e forma ku Navarro kier kumpra e kámaranan aki. Ta sobra Navarro 16 asiento ku e por konvensé pa sostené den Parlamento. Pero na lugá di trata di konvensé e portador nan di e 16 asientonan aki pa sostené e la kai den pániko i kuminsá fulminá kontra di MFK.

“Een kat in het nauw maakt rare sprongen”, sr. Minister Navarro di (PAIS) MFK no a bai china ku bo bai sera ningun dil, ta bo so ku bo so kubo lider Polítiko Alex Rosaria ta na altura di boso dil, pues karga bo responsabilidat awor i defende bo fayo sin purba di tene lanta na MFK. No ta nos a bai konta den rueda di prensa ku Kòrsou ta bai bira un Showcase pa Inspur. No ta nos a bisa ku ta bai tin un win win situatie ku e dil sera ku Inspur. I awe ta resultá ku e dil ta un dil di 0,0 pa Kòrsou pero ku 6.2 mion florin negosha na China.

Al final ta abo ta e supuesto Shèrif di Kòrsou, bo tin ku akseptá ku bo a violá leinan di kontabilidat i si bo no por ku e kayente djis entrega bo retiro, bo por konta ku MFK su sinku asientonan lo sostené bo retiro inmediatamente.

Por último nos kier rekorda Minister Navarro ku tanten Schotte tin votonan real pa tei den Parlamento e lo sali tur ora na defensa di su pueblo!

Direktiva di Movementu Futuro Kòrsou

Kòrsou, 12 di yüni 2015

surveillance-cameras

 

#GFS2016 #MFK

Webmaster

Leave a Reply