• PLAN DI AKSHON
    MFK 2016
  • flag-curacao flag-holanda
Home MFK HOPI VIOLASHON DI REGLA TA SOPORTANDO DI MIKE FRANCO

Djaweps 16 di aprel ela violá artíkulo 84 insiso 2 di reglamento di ordu. Niun hende no a pidi voto pa kabes, sinembargo ela pasa palabra pa hasi esaki tòg

Violashon tras di violashon di reglanan skibí ku un Presidente di Parlamento tin ku husa pa hasi e trabou na drechi i dirigí reunion den sala di Parlamento ta wòrdu violá. A konsultá ya dos hurista di taya, un staatsgeleerde riba nos tema konstitushonal, dos èks Presidente di Parlamento i niun no tin bon palabra pa lokual ta sosodiendo den Parlamento di Kòrsou, danki na Mike Franco. Parse e ku e úniko huristanan òf èks grefirnan ku ta sali defendé Mike Franco ta esnan ku a partisipá den e dòbel Parlamento ku tabata reuní den Plaza Hotel na 2012 i/o ku tabata pendiente di a haña un djòp serka Mike Franco resientemente.

Esun violashon ta mas pió ku e otro kada bes di nobo, simplemente pasó su koalishon ta drumí. E ta yuda remediá nan fayonan i ademas lokual niun otro Parlamentario no por hasi den sala esnan di koalishon si por ku Mike Franco sintá komo Presidente.

Djaweps último un Moshon a pasa “wall to wall” ku 21 unánimamente, despues ku niun parlamentario no a pidi “hoofdelijke stemming” konforme artíkulo 84 insiso 2 di nos reglamento di òrdu. Bo no a tende niun pero niun hende pidi votashon pa kabes, sinembargo Mike Franco ta pasa palabra pa su lider, pa asina skapa Minister Stanley Palm di haña un moshon desaprobando su maneho riba “Curacao Airport Holding”.

Riba e video anekso por mira e situashon bergonsoso ku Franco ta hinka su mes den dje, kontal ku e violá reglamentu di òrdu, pa asina skapa su koalishon ku no ta aktua. Dikon nan lo tin ku wòri? Nan tin un Presidente di Parlamento Mike Franco ku ta kla pa korumpí e sistema ki ora ku e ke tòg!

Grabashon djaweps 16 di aprel 2015: http://youtu.be/9oLontw0eQI. Es ku por konstatá den e grabashon ku tin un parlamentario ku a pidi “hoofdelijke stemming” ta un íntimo amigu di korupshon atministrativo.

Stemming: Artikel 84

  1. Nadat de beraadslaging gesloten is, gaat de vergadering tot stemming over.
  2. Wenst geen van de leden hoofdelijke stemming, dan wordt het in behandeling zijnde artikel, voorstel of onderwerp geacht met algemene stemmen te zijn aangenomen. Evenwel kunnen in de vergaderzaal aanwezige leden aantekening vragen dat zij geacht willen worden te hebben tegengestemd; in dat geval wordt het besluit geacht met de stemmen van de overige leden te zijn aangenomen.

Kòrsou, 19 di aprel 2015

MOVEMENTU FUTURO KORSOU

10380191_10152014573491021_3271126930765000251_o

Webmaster

Leave a Reply