• PLAN DI AKSHON
    MFK 2016
  • flag-curacao flag-holanda
Home MFK MFK TA SIGUI KUMPLI

Entrega di dos outo na e Felis Ganadornan

Na Star Motors awe a tuma lugá entrega ofisial di e dos outonan di e fundraising organisá pa Movementu Futuro Kòrsou dia 9 di aprel último.

Pa MFK tabata presente, nos lider polítiko Gerrit Schotte ku na nòmber di direktiva di MFK a hasi entrega di e dos outonan aki di marka Great Wall di aña 2015 na sra. Thielman i na sr. Fechi Regales.

Direktiva di MFK ta satisfecho di por entrega dos outo mas i asina hasi dos famia felis. Ku satisfakshon, sonriendo i gradesido na Todopoderoso e dos ganador nan a risibí nan outo.

MFK manera ya anunsiá ku den 2015 lo bai entrega shete (7) outo i esaki ta e dos (2) promé nan di 2015. Pa ougùstùs próksimo un biaha mas pa solamente sinku florin pueblo di Kòrsou lo bai tin oportunidat di gana un SUV I un Mini SUV di aña 2016.

MFK ta hasi tur esaki posibel danki na e kontribushon chikí di tur gremio i asina nos komunidat por partisipá na nos fundraising I ku posibilidat di ta e felis ganador di un outo ku den nos komunidat no ta un luho mas si no un nesesidat.

Un biaha mas MFK kier felisitá e dos ganadornan I tambe tur esnan ku a purba nan suerte pasombra ta huntu nos por hasi e fundraisingnan aki eksitoso dunando nos di MFK e empuhe pa kontinuá brinda kada siudadano di Kòrsou e posibilidat di ta un ganador di un outo.

Direktiva di Movementu Futuro Kòrsou

Pa medio di su lider

Gerrit Fransisco Schotte

Kòrsou, 16 di aprel 2015

 

 

 

 

Webmaster

Leave a Reply