• PLAN DI AKSHON
    MFK 2016
  • flag-curacao flag-holanda
Home Amerigó Thodé MINISTER PALM A USA UN KONSEHO JURIDIKO DI 12 DI DESEMBER 2014...

Esaki ta e mihó dil ku e la referi na dje ku e la yega huntu ku gerensha di CPA

Inkreibel pero berdat, e koalishon aktual ku nan boka yen ku ke kibra monopolio awe a atmití, atraves di nan minister, ku e konseshon ta terminá te ku aña 2021, despues ku nan a laga traha un advies via di un bufete di abogado a konsehanan e prolongashon ku 10 aña, inkluyendo Monopolio (eksklusividat).

Awe Pueblo di Kòrsou por a mira kon e koalishon di partido PAIS, esun ku a hòrta asiento di PAR ku ta Glenn Sulvaran, PNP i pa straño ku por zona Partido Pueblo Soberano ta papia di eliminá monopolio pero ku ta nèt nan a alargá e monopolio ku CPS/AGT te ku aña 2021.

Awe defuntu Helmien Wiels (q.e.p.d.) a bòltu den su graf ora ela tende su amigu Jaime Cordoba di su mes partido traishoná e kousa i entrega e monopolio un biaha mas na esnan ku semper e tabata kontra pa sigui prolonga monopolio kune. Awe su mes partido a bòltu manera ‘bende patria’ i a bai di akuerdo i hasta a pone esaki den un (draft) moshon pa Parlamento vota riba dje pero ora nan a sinti e kayente nan a laga e moshon di partido PAIS kai i no a presentele mes mas den reunion di Parlamento awe.

Cleopa di partido PAIS ku na aña 2011 a vota ku pro e moshon di 17 di mei 2011 pa urgi gobièrno pa duna CPA instrukshon pa no saka kontrakt nobo ku monopolio awe a bira lomba pa pueblo i entrega un konseshon ku pa años un grupito ta hasi ganashi astronómiko i ku ta impakta preisnan di komestibel dor di tin un preis pa importashon haltu. E grupo aki ku tin e haf, ku ta patrimonio di pueblo di Kòrsou, bou nan poder sekuestrá pa mas ku 25 aña ta hasi i deshasí manera nan ta haña ta bon. Pueblo di Kòrsou ta paga flete haltu ku aktualmente ta esun di mas haltu den nos hemisferio west, pasombra nan tin e monopolio bou di nan poder i ta e preis ku nan pone pa kònteiner esaki komersiantenan cq. pueblo di Kòrsou mester paga. Esaki ku aprobashon di e gobièrnu aktual ku hustamente ta papia kuenta kibra konseshon i di otro banda a hasi otro.

Ta for di 11 di aprel 2011 Gobièrnu a manda un desishon di AVA (Doño) pa CPA i a duna instrukshon na CPA pa indiká CPS/AGT ku lo no tin monopolio mas i esaki a sosode na 9 di mei 2011. Parlamentu den un moshon di 17 di mei 2011 tambe a ratifika na Gobièrnu pa kita e monopolio aki ku tin den haf, ku ta e ardu importante den desaroyo ekonómiko pa nos komunidat.

Si realmente Gobièrnu tabata ke kita e konseshon eksklusivo, despues ku Gabinete Schotte a bai Gabinete Betrian, Gabinete Hodge i e aktual di Asjes, mester a prosedé konforme instrukshon di akshonista di 11 di aprel 2011.

Kòrsou, 15 di aprel 2015

Amerigo Thodé

MOVEMENTU FUTURO KORSOU

Athunto:

-Karta di gerensha di CPA pa gerensha di CPS i AGT N.V.

-Instrukshon di AVA ku fecha 11 di aprel 2011

IMG_0611

Webmaster

Leave a Reply