• PLAN DI AKSHON
    MFK 2016
  • flag-curacao flag-holanda
Home Amerigó Thodé PAIS = Partido Asosial I Shouru

Den reunion públiko riba FDRS, Rosaria ni Cleopa no a kritiká FDRS

Bo a yega di puntra bo mes ta kiko e lèternan di e nòmber di partido PAIS di Alex Rosaria ta nifiká? Wèl, bo no tin nodi di sigui puntra, pasobra e komportashon di e lider di e partido i su kompinchinan manera Mike Franco, Eugene Cleopa, Marilyn Mozes i Alison Manuel mes ta bisa bo kiko PAIS kier men. PAIS ta nifiká Partido Asosial I Shouru. I ku nan komportashon e hendenan aki ta duna honor na e nòmber di nan partido: Shouru 100%. Wak e trato ku nan a duna na direktor Maurice Adriaens di Curaçao Airport Holding: nan a kore ku n’e manera kachó, asina trahando lugá pa un hende di nan bira e direktor nobo. Wak kon nan ta defendé kosnan dudoso di Emsley Tromp na Banko Sentral (Fraude di Carousel na Inglatera wak raport Tax Justice Network) dor di evitá ku kurpa i alma ku reunionnan den Parlamento ku MFK a pidi, por tuma lugá, 100% Shouru. Wak kon nan ta manipulá pa nan “very good friends” haña jobnan bon pagá, 100% shouru etc. etc.?

Awor ora Alex Rosaria a pidi un reunion tokante e Fundashon Bario di Steenrijk i Divi Divi i a haña esaki mesora di su amigu Mike Franco, nan a añadí un hazaña mas pa demonstrá nan 100% shouruheid. E kompinchinan lo a dal un glas di shampaña huntu pa nan selebrá. Laga mi splika kiko nan ta bezig ku n’e. Tin un regla di komportashon ku ta ser yamá e ‘ sub iudice regel’. E regla aki ta enserá ku ora un kaso penal ta bou di outoridatnan hudisial (sub iudice di latin ku ta nifiká literalmente ‘bou di hues’) outoridatnan di otro podernan den estado manera di parlamento òf di gobièrnu ta apstené nan mes di duna komentario riba e kaso ei. Pakiko tin e regla ei? Pasó den un pais sivilisá bo kier pa outoridatnan hudisial persiguí i duna huisio solamente den akuerdo ku lo ke lei ta bisá. Bo no kier i no ta bon pa outoridatnan hudisial aktua i husga bou di influensia òf hasta preshon di gobernantenan òf parlamentarionan. Ora e proseso hudisial a terminá – i e kaso no ta sub iudice mas- tur gobernante i tur parlamentario ta liber pa duna nan opinion. Ku otro palabra: miéntras un kaso ta sub iudice e ta hands off pa parlamentarionan. Sr. Rosaria, Franco i tur nan amigunan di PAIS ku ta pretendé di ta hende nèchi, drechi, korekto, íntegro i no shouru sin ningun duda ta kompletamente na altura di e regla aki esta di komportashon étiko. Ta tur regla di buki di étika Alex Santu Rosaria sa for di su kabes, pero awor ku ta pa su mes un komportashon esei si ta otro ballgame.

Obviamente fe ora ex-Sekretario General di Finansa Jose Jardim a keda sin manda pa SOAB, Ministerio Públiko i Parlamento su mes konseho positivo riba Divi Divi su “eenmalige subsidie” fechá 27 desèmber 2011 numerá # 2011/098548 ta hustamente nan (Koalishon) tin algu di skonde.

Ta konosí pa nos tur awe ku Fundashon amigunan di Sentro di Bario Divi Divi a gasta e supsidio pa drecha realmente un proyekto pa un kousa hustu i soshal (wak pòrtrètnan Before & After).

Di otro un banda ta konosí ku Fundashon FDRS di Glenn Sulvaran a haña den 24 ora sin un petishon un supsidio pa 4 aña konsekutivo total pa 3.7 mion florin gastando e promé mei mion (lesa FDRS OperationeleBegroting) na gastu di Salario pa direktor interino/trekker, Hür di edifisio, Consultants, Marketing, Kompra di 2 outo un di nan kumpra riba nòmber di e fundashon promé ku e fundashon tabata eksistí , Meubels i gastunan na Accountant.

Amerigó C.M. Thodé – Miembro di Parlamento MFK

Anekso:

  1. Screenshot Raport Tax Justice Network – FCIB Tax Fraud – via Offshore Bank
  2. 2 potret Before Divi Divi
  3. 2 Potret After Divi Divi
  4. FDRS OperationeleBegroting

 

Webmaster

Leave a Reply