• PLAN DI AKSHON
    MFK 2016
  • flag-curacao flag-holanda
Home Monique Felida No por sigurá studiantenan un “stageplek”

Mas problema den enseñansa

Enseñansa ku mester ta un prioridat di nos gobièrnu tur dia di nobo ta lanta ku un òf otro problema sin ku nos ta mira un solushon na horizonte.

Últimamente frakshon di MFK a keda aserká pa un grupo di studiante, mayoria studiante di MBO, ku ta duna di konosé ku nan tin chèns di pèrdè nan aña eskolar atrobe pasó ningun kaminda no tin espasio pa nan por kore nan stage. Òf si nan logra haña un lugá mes esaki no ta kuadra ku nan estudio. Hopi biaha pa nan no pèrdè nan aña eskolar nan ta tuma esaki ku konsekuensia ku nan no ta siña nada nobo ora nan kore stage. Studiante nan ta aserká tantu kompanianan privá i tambe instansianan di gobièrnu sin éksito.

Pa e motibu aki Frakshon di MFK a hasi e siguiente preguntanan na sra. Minister Dick.

  1. Minister ta na altura di e problema di stageplek?,
  2. Minister ta na altura ku e studiante ku no haña un lugá pa kore stage tin chèns di pèrdè nan aña di estudio?
  3. Minister tin un bista kuantu instansia di gobièrnu ta tuma studiante pa hasi nan stage i esnan ku no ta tuma studiante kiko ta e argumento pa no hasi esaki?
  4. Kiko Minister ta pensa pa hasi pa trese un solushon den esaki?

 

Den e mesun rosea nos mester apuntá ku no ta ku stageplek so tin problema den enseñansa pero tambe ku na e momentunan aki tin un grupo di studiante ku a apliká pa bai studia den region ku ta den un strès paso ainda mester wak ku gobièrnu tin sufisiente sèn pa kumpli ku tur e petishonnan òf lo mester bai apliká e sistema di loting (o ken ta mihó amigu di ken).

Na mes momentu Frakshon di MFK ta kere ta bon pa Minister sali splika dikon atrobe ta anunsiá un subida di collegeld na universidat i tambe ku tin un grupo di studiante ku ta hañando nan sèn di finansiamentu muchu lat ku ta pone ku nan no por kumpli ku entre otro pago di nan estudio.

Frakshon di MFK ta spera ku mas pronto posibel e Minister lo kontesta frakshon di MFK den Parlamento riba e preguntanan i aklarashon riba e diferente puntonan ariba menshoná.

recrutement-stagiaires-academiques_1

 

Webmaster

Leave a Reply