• PLAN DI AKSHON
    MFK 2016
  • flag-curacao flag-holanda
Home Amerigó Thodé Ivar Asjes ta falta Pueblo di Kòrsou i Parlamentu Rèspèt

Ta manda Amerigo Thodé e “F-word” ora e tabata dirigiendo su mes den segunda tanda na Asjes

Ku asombro miembronan di parlamentu a tuma nota ayera ku Minister Presidènt di Kòrsou sr. Ivar Asjes ta fulminá ku palabra malu kontra di miembro di frakshon di MFK sr. Amerigo Thode. Loke a sosodé ayera den e sala di reunion di parlamentu kual ta e órgano ku mester kontrolá gobièrnu ta inakseptabel i ora e sali di boka di un Minister Presidènt ku mester sa mihó ta mas tristu ainda.

Miembro di frakshon di MFK sra. Jacintha Constansia ku tabata na turno pa hiba palabra mesora a puntra presidente di staten ku si ta pèrmití pa uza tipo di lenguahe (F-word) ei den sala di parlamentu, pasombra e forma di proseder di sr. Ivar Asjes no solamente ta falta di rèspèt pa miembronan di parlamentu pero ta un bòftá den kara di pueblo di Kòrsou.

Pero ta parse ku serka e gobièrnu aki i presidente di staten sr. Mike Franco tur violashon di e kódigo di komportashon di staten ta posibel, basta bo ta minister, un miembro di parlamentu ku ta sostené gobièrnu òf un “Fractie Medewerker” di un di e partidonan ku ta sostené e gobièrnu aktual.

Ta di e forma aki ta propaganda shouru pruf, ta asina ki ta permití pa un Promé Minister ku no a wòrdu skohe pa Pueblo di Kòrsou falta rèspèt na parlamentu i suidadanonan di Kòrsou.

Ta tristu ku frakshonnan ku ta sostené e gobièrnu aki ku ta papia bunita, pero ta aktua di un forma degenerá ta pèrmití tur sorto di violashon di regla i órden djis pa mantené e gabinete aki na bida. No ta importá ku Pueblo di Kòrsou ta skucha e vokabulario baho i sin rèspèt ku presidente di staten ta pèrmití sr. Ivar Asjes hiba den sala di parlamentu ora ya e no tin mikrofon i ta insultá Parlamentarionan.

Direktiva di Movementu Futuro Kòrsou

Willemstad, 3 di Febrüari 2015

IMG_0597IMG_0611

 

 

 

 

 

Webmaster

Leave a Reply